കാസർഗോഡ്: ജില്ലയിലെ 11 തദ്ദേശ സ്വയംഭരണ സ്ഥാപനങ്ങൾ കൂടി ശുചിത്വ പദവിയിലേക്ക് ഉയരുന്നു. ഇതിന്റെ പ്രഖ്യാപനം ബുധനാഴ്ച പകൽ മൂന്നിന് മന്ത്രി എസി മൊയ്തീൻ നിർവഹിക്കും. ഹരിതകേരളം എക്സിക്യൂട്ടീവ് വൈസ് ചെയർപേഴ്സൺ ടി എൻ സീമ അധ്യക്ഷയാകും.
വോർക്കാടി, എൻമകജെ, മീഞ്ച, മൊഗ്രാൽപുത്തൂർ, ചെമ്മനാട്, മൂളിയാർ, കുമ്പടാജെ, കാറഡുക്ക, ബളാൽ, വലിയപറമ്പ എന്നീ പഞ്ചായത്തുകളും പരപ്പ ബ്ളോക്ക് പഞ്ചായത്തുമാണ് രണ്ടാം ഘട്ടത്തിൽ ശുചിത്വ പദവിക്കർഹമാകുന്നത്. ഒന്നാം ഘട്ടത്തിൽ 20 പഞ്ചായത്തുകളും രണ്ടു നഗരസഭകളും കാഞ്ഞങ്ങാട് ബ്ളോക്കും ശുചിത്വ പദവി നേടിയിരുന്നു.
ഹരിത കർമ്മസേനയുടെ പ്രവർത്തനം, പൊതുശൗചാലയങ്ങൾ, നിരത്തുകൾ, ജലാശയങ്ങൾ എന്നിവയുടെ വൃത്തി, മാലിന്യങ്ങൾ കത്തിക്കുന്നവർക്ക് എതിരെയും വലിച്ചെറിയുന്നവർക്കും എതിരെ സ്വീകരിച്ച നിയമ നടപടികൾ, ജൈവ മാലിന്യങ്ങളുടെ സംസ്കരണം തുടങ്ങിയവയാണ് വിലയിരുത്തിയാണ് ശുചിത്വ പദവിക്ക് അർഹത നേടുന്നത്.
Read Also: അതിർത്തി യാത്രാ നിയന്ത്രണത്തിന് എതിരെ കർണാടക ഹൈക്കോടതിയിൽ ഹരജി