ന്യൂഡെൽഹി: കോവിഡ് ബാധിതനായി മഥുരയിലെ ആശുപത്രിയിൽ കഴിയുന്ന മലയാളി മാദ്ധ്യമ പ്രവർത്തകൻ സിദ്ദീഖ് കാപ്പന്റെ മെഡിക്കൽ റിപ്പോർട് ഹാജരാക്കാൻ ഉത്തർപ്രദേശ് സർക്കാരിനോട് നിർദേശിച്ച് സുപ്രീം കോടതി. സിദ്ദീഖിനെ മികച്ച ചികിൽസക്കായി ഡെൽഹി എയിംസിലേക്ക് മാറ്റണമെന്ന് ആവശ്യപ്പെട്ട് അദ്ദേഹത്തിന്റെ ഭാര്യ റൈഹാനത്തും കേരളാ പത്രപ്രവര്ത്തക യൂണിയനും സമർപ്പിച്ച ഹരജി പരിഗണിക്കവെയാണ് സുപ്രീം കോടതിയുടെ നിർദേശം. ഹരജി പരിഗണിക്കുന്നത് കോടതി നാളത്തേക്ക് മാറ്റി.
കഴിഞ്ഞ 20ആം തീയതി കോവിഡ് സ്ഥിരീകരിച്ച സിദ്ദീഖ് കാപ്പനെ മഥുരയിലെ കൃഷ്ണ മോഹന് മെഡിക്കല് കോളേജിലാണ് പ്രവേശിപ്പിച്ചത്. കാപ്പനെ ആശുപത്രി കിടക്കയിൽ ചങ്ങലക്ക് ഇട്ടിരിക്കുകയാണെന്ന് അഭിഭാഷകന് വില്സ് മാത്യു കോടതിയെ അറിയിച്ചു. എന്നാല് ഉത്തര്പ്രദേശ് സര്ക്കാരിന് വേണ്ടി ഹാജരായ സോളിസിറ്റര് ജനറല് തുഷാര് മേത്ത ഈ ആരോപണം നിഷേധിച്ചു. തുടര്ന്നാണ് കാപ്പന്റെ മെഡിക്കല് റിപ്പോർട് ഹാജരാക്കാന് കോടതി നിര്ദേശിച്ചത്.
ചികിൽസക്കായി ഡെൽഹിയിലെ എയിംസിലേക്കോ സഫ്ദർ ജങ് ആശുപത്രിയിലേക്കോ സിദ്ദീഖ് കാപ്പനെ മാറ്റണമെന്ന് ആവശ്യപ്പെട്ടാണ് ഹരജി നൽകിയത്. അപേക്ഷയില് ഇന്ന് തന്നെ വിശദമായ വാദം കേള്ക്കാന് ചീഫ് ജസ്റ്റിസ് അധ്യക്ഷനായ ബെഞ്ച് തയ്യാറായിരുന്നെങ്കിലും ഓണ്ലൈന് വാദത്തില് ഉണ്ടായ ചില സാങ്കേതിക തടസങ്ങള് കാരണം ഹരജി പരിഗണിക്കുന്നത് നാളത്തേക്ക് മാറ്റുകയായിരുന്നു. കേരളാ പത്രപ്രവര്ത്തക യൂണിയനും കാപ്പന്റെ ഭാര്യക്കും വേണ്ടി അഭിഭാഷകന് വില്സ് മാത്യു ഹാജരായി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
