മഞ്ചേരി: മനുഷ്യ സമൂഹത്തിലെ വേദനിക്കുന്നവർക്ക് സാന്ത്വനമേകാൻ മഞ്ചേരിയിൽ എസ്വൈഎസിന്റെ നേതൃത്വത്തിൽ പൂർത്തീകരിക്കുന്ന സാന്ത്വന സദനത്തിലേക്ക് പ്രവാസികളുടെ സഹായം വീണ്ടും.
ഖത്തർ എസ്വൈഎസ് മലപ്പുറം ചാപ്റ്ററും, ഇന്ത്യൻ കൾചറൽ ഫൗണ്ടേഷന്റെ (ഐസിഎഫ്) സൗദിയിലെ ‘ബുറൈദ’ സെൻട്രൽ കമ്മിറ്റി ഭാരവാഹികളുമാണ് ഇന്ന് സഹായവുമായി എത്തിയത്. സഹജീവികളുടെ കണ്ണീരൊപ്പാൻ എസ്വൈഎസ് നടത്തുന്ന എല്ലാ പ്രവർത്തനങ്ങൾക്കും എന്നും പ്രവാസികൾ തണലായിട്ടുണ്ട്. ഇവരുടെ അധ്വാനത്തിലെ വലിയൊരു പങ്കും ഇത്തരം പ്രവർത്തികൾക്ക് മാറ്റിവെച്ചതുകൊണ്ടാണ് കേരളത്തിലിന്ന് കാണുന്ന അനേകം മാനവസേവാ കേന്ദ്രങ്ങൾ ഉണ്ടായത്. സാന്ത്വന സദനത്തിനും തുടക്കം മുതൽ പ്രവാസികളായ വിശ്വാസികളുടെ നിർലോഭമായ സഹായങ്ങൾ ലഭിച്ചിരുന്നു; ഭാരവാഹികൾ പറഞ്ഞു.
സാന്ത്വന സദനത്തിൽ നടന്ന ചടങ്ങിൽ ഇവരുടെ സഹായം എസ്വൈഎസ് ജില്ലാ ഭാരവാഹികൾ സ്വീകരിച്ചു. സൗദി ‘ബുറൈദ’ ഭാരവാഹികളായ പറമ്പത്ത് മൂസ മുസ്ലിയാർ മരത്തിൻ കടവ്, കുഞ്ഞി മുഹമ്മദ് ഇരുമ്പുഴി, സികെ സെയ്തലവി മുസ്ലിയാർ മുണ്ടമ്പ്രയുമാണ് ഇന്ത്യൻ കൾചറൽ ഫൗണ്ടേഷനെ പ്രതിനിധീകരിച്ച് ചടങ്ങിലേക്ക് വന്നത്.
ഖത്തർ എസ്വൈഎസ് മലപ്പുറം ചാപ്റ്ററിനെ പ്രതിനിധീകരിച്ച് നേതാക്കളായ റഹ്മത്തുള്ള സഖാഫി ചീക്കോട്, സഈദലി സഖാഫി പടിഞ്ഞാറ്റുമുറി, സ്വാദിഖ് കാളാവ്, എഞ്ചീനിയർ സൈദലവി തുടങ്ങിയവരും സഹായം ഏറ്റുവാങ്ങൽ ചടങ്ങിൽ സംബന്ധിച്ചു. സാന്ത്വന സദനം സമർപ്പണത്തിന്റെ മുന്നോടിയായി മഞ്ചേരി മെഡിക്കൽ കോളേജിൽ സേവനമനുഷ്ടിച്ച് വരുന്ന നാനൂറിലധികം സന്നദ്ധ പ്രവർത്തകരുടെ സംഗമവും നടന്നു.
Most Read: വീണ്ടും ആൾക്കൂട്ടകൊല; ബിഹാറിൽ കന്നുകാലി മോഷണം ആരോപിച്ച് യുവാവിനെ മർദ്ദിച്ചു കൊന്നു