അഹമ്മദാബാദ്: ഇന്ത്യ-ഇംഗ്ളണ്ട് മൂന്നാം ക്രിക്കറ്റ് ടെസ്‌റ്റിന് നാളെ തുടക്കമാവും. ലോകത്തിലെ ഏറ്റവും വലിയ ക്രിക്കറ്റ് സ്‌റ്റേഡിയമായ അഹമ്മദാബാദിലെ മൊട്ടേരയിൽ പിങ്ക് പന്തില്‍ പകലും രാത്രിയുമായാണ് മൽസരം നടക്കുന്നത്. ഇരുടീമുകൾക്കും മൽസരം നിർണായകമാണ്. പരമ്പര വിജയത്തിനൊപ്പം ലോക ടെസ്‌റ്റ് ചാമ്പ്യൻഷിപ്പ് ഫൈനൽ പ്രവേശനവും തീരുമാനിക്കുന്നത് അവശേഷിക്കുന്ന രണ്ട് ടെസ്‌റ്റുകളാണ്.
ചെന്നൈയിലെ ആദ്യ ടെസ്‌റ്റിൽ ഇംഗ്ലണ്ടും രണ്ടാം ടെസ്‌റ്റിൽ ഇന്ത്യയും ജയിച്ചതോടെ നാല് മൽസര പരമ്പരയിൽ ഇരുടീമുകളും ഒപ്പത്തിനൊപ്പമാണ്. 2-1ന് പരമ്പര സ്വന്തമാക്കിയാൽ പോലും ഇന്ത്യക്ക് ലോക ചാമ്പ്യൻഷിപ്പിന്റെ ഫൈനലിൽ പ്രവേശിക്കാം. എന്നാൽ ഡേ-നൈറ്റ് ടെസ്‌റ്റിൽ ഇന്ത്യക്ക് വേണ്ടത്ര പരിചയ സമ്പത്ത് ഇല്ലെന്നത് ടീമിനെ ഏത് താരത്തിലാവും ബാധിക്കുക എന്നത് കണ്ടറിയണം.
ഇന്ത്യയിൽ നടക്കുന്ന രണ്ടാമത്തെ മാത്രം ഡേ-നൈറ്റ് ടെസ്‌റ്റാണിത്. ഡേ-നൈറ്റ് മൽസരം ആയതിനാൽ ഇന്ത്യ മൂന്ന് പേസർമാരെ കളിപ്പിക്കുമെന്നാണ് സൂചന. അതേസമയം ഡേ-നൈറ്റ് ടെസ്‌റ്റി ൽ കൂടുതൽ മൽസര പരിചയം ഇംഗ്ളണ്ടിനാണ്. കൂടുതൽ സ്വിംഗ് ചെയ്യുമെന്നതിനാൽ ജയിംസ് ആൻഡേഴ്സണും സ്‌റ്റുവർട്ട് ബ്രോഡും ജോഫ്ര ആർച്ചറുമടങ്ങിയ പേസ് നിര ടീമിന് നല്ല ആത്‌മവിശ്വാസമാണ് നൽകുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
