ഗംഗാനഗർ: രാജസ്‌ഥാനില്‍ വാഹനാപകടത്തില്‍ മൂന്ന് സൈനികര്‍ മരിച്ചു. സൈനിക വാഹനം മറിഞ്ഞാണ് അപകടമുണ്ടായത്. ഗംഗാനഗര്‍ ജില്ലയിലെ രാജിയസർ പ്രദേശത്ത് വ്യാഴാഴ്‌ച രാവിലെ ആയിരുന്നു അപകടം. സംഭവത്തില്‍ അഞ്ചുപേര്‍ക്ക് പരിക്കേറ്റതായി ദേശീയ മാദ്ധ്യമങ്ങൾ റിപ്പോർട് ചെയ്‌തു.
വാഹനം മറിഞ്ഞതിന് പിന്നാലെ തീ പടർന്നു പിടിച്ചതാണ് അപകടത്തിന്റെ വ്യാപ്തി വർധിപ്പിച്ചത്. അപകടനം നടന്നയുടൻ അഞ്ചുസൈനികര്‍ വാഹനത്തിൽ നിന്ന് പുറത്തുകടന്നു. വാഹനത്തിനുള്ളിൽ കുടുങ്ങിയ മൂന്നുപേരാണ് മരിച്ചതെന്ന് സ്റ്റേഷൻ ഹൗസ് ഓഫീസർ വിക്രം തിവാരി അറിയിച്ചു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.
Read Also: പാക് മുദ്രാവാക്യങ്ങൾ മുഴക്കാൻ ആവശ്യം; ഡെൽഹിയിൽ യുവാവിന് ക്രൂരമർദ്ദനം, പ്രതി പിടിയിൽ
