ഉത്തരാഖണ്ഡ്: കോട്‌വാൽ നിയോജക മണ്ഡലത്തിൽ തിരഞ്ഞെടുപ്പ് ഡ്യൂട്ടിക്കായി നിയോഗിച്ച 30 ബിഎസ്എഫ് ജവാൻമാർക്ക് കോവിഡ് സ്‌ഥിരീകരിച്ചു. 82 പേരെയാണ് ഇവിടെ തിരഞ്ഞെടുപ്പ് ഡ്യൂട്ടിക്ക് നിയോഗിച്ചത്. കോവിഡ് സ്‌ഥിരീകരിച്ച എല്ലാവരും നിലവിൽ നിരീക്ഷണത്തിലാണ്.
അതേസമയം, സംസ്‌ഥാനത്ത്‌ കോവിഡ് കേസുകൾ വർധിക്കുന്ന സാഹചര്യത്തിൽ ഈ മാസം 16വരെ രാഷ്‌ട്രീയ റാലികൾക്കും മറ്റ് ധർണകൾക്കും നിരോധനം ഏർപ്പെടുത്തി. കഴിഞ്ഞ ഞായറാഴ്‌ച മുതൽ നിബന്ധനകൾ പ്രാബല്യത്തിൽ വന്നിരുന്നു.
അംഗണവാടികൾ, സ്‌കൂളുകൾ, സ്വിമ്മിങ് പൂളുകൾ, വാട്ടർ പാർക്കുകൾ തുടങ്ങിയവ ഈ മാസം 16 വരെ അടഞ്ഞുകിടക്കും. 12ആം ക്ളാസ് വിദ്യാർഥികൾക്ക് ഓഫ്‌ലൈനായി ക്ളാസുകൾ തുടരും. ജിമ്മുകൾ, ഷോപ്പിംഗ് മാളുകൾ, തീയറ്ററുകൾ, തുടങ്ങിയവകൾ 50 ശതമാനം ആളുകളെ മാത്രം പ്രവേശിപ്പിച്ചുകൊണ്ട് പ്രവർത്തിക്കും.
Read also: ധീരജ് കൊലപാതകം; രണ്ടുപേർ കീഴടങ്ങി
