വയനാട്: ട്രിപ്പിൾ ലോക്ക്ഡൗൺ നിലനിൽക്കുന്നതിന്റെ സാഹചര്യത്തിൽ മുള്ളൻകൊല്ലി പഞ്ചായത്ത് പൂർണമായി അടച്ചിടാൻ ആരോഗ്യ വകുപ്പിന്റെ നിർദ്ദേശം. രോഗ വ്യാപനം വർധിക്കുന്നതിന്റെ അടിസ്‌ഥാനത്തിലാണ്‌ തീരുമാനം. പഞ്ചായത്തിലെ മൂന്ന് സ്‌ഥലങ്ങളും കണ്ടെയ്ൻമെന്റ് സോണായി പ്രഖ്യാപിച്ചിട്ടുണ്ട്.
മുള്ളൻകൊല്ലി പഞ്ചായത്തിലെ സർക്കാർ, സ്വകാര്യ സ്‌ഥാപനങ്ങൾ ഉൾപ്പെടെ അടച്ചിടും. അവശ്യ സേവന വിഭാഗത്തിൽപെട്ട കടകൾക്ക് മാത്രമാണ് തുറക്കാൻ അനുമതി ഉള്ളത്. പഞ്ചായത്തിലെ 74 പേർ കഴിഞ്ഞ ദിവസം പ്രവർത്തനം ആരംഭിച്ച പെരിക്കല്ലൂരിലെ സിഎഫ്എൽടിസിയിൽ നിരീക്ഷണത്തിൽ ആണ്. അതിർത്തി പ്രദേശങ്ങളിൽ പരിശോധന കർശനമാക്കാൻ പഞ്ചായത്ത് അധികൃതർ നിർദ്ദേശിച്ചു. പ്രദേശത്ത് കനത്ത ജാഗ്രത തുടരും.
Read Also: വെയർഹൗസ് നികുതി കുറച്ചു; ബാറുകളിൽ ഇന്ന് മുതൽ വിൽപന ആരംഭിക്കും
