ന്യൂഡെൽഹി: സൗജന്യ എൽപിജി വർധിപ്പിക്കുമെന്ന് ധനമന്ത്രി നിർമലാ സീതാരാമൻ. ഉജ്വല പദ്ധതിയിൽ ഒരു കോടി കുടുംബങ്ങളെ കൂടി ഉൾപ്പെടുത്തും. സിറ്റി ഗ്യാസ് പദ്ധതിയിൽ 100 ജില്ലകൾ കൂടി ഉൾപ്പെടുത്തിയതായും മന്ത്രി പ്രഖ്യാപിച്ചു.
ആരോഗ്യമേഖലയിൽ 64,180 കോടി രൂപയുടെ പദ്ധതിയും ധനമന്ത്രി ബജറ്റിൽ പ്രഖ്യാപിച്ചു. രാജ്യത്തെ ആരോഗ്യ സ്‌ഥാപനങ്ങൾ ശക്‌തിപ്പെടുത്തുമെന്നും മന്ത്രി പറഞ്ഞു. സ്വകാര്യവൽക്കരണം ഊർജിതമാക്കാനുള്ള പദ്ധതികളും ബജറ്റിൽ ഉൾപ്പെടുത്തിയിട്ടുണ്ട്.
വൈദ്യുതി വിതരണത്തിന് ഒന്നിലധികം കമ്പനികൾക്ക് അവസരം ഉറപ്പാക്കും. ഇൻഷുറൻസ് മേഖലയിലെ വിദേശനിക്ഷേപ പരിധി 75 ശതമാനമായി ഉയർത്തും. വൻകിട തുറമുഖങ്ങളുടെ നടത്തിപ്പിൽ സ്വകാര്യവൽക്കരണം നടപ്പാക്കും.
അതേസമയം, ബജറ്റ് അവതരണ വേളയിൽ പഞ്ചാബിൽ നിന്നുള്ള എംപിമാർ പ്രതിഷേധവുമായി രംഗത്തെത്തി. കർഷക സമരം മുൻനിർത്തി ആയിരുന്നു പ്രതിഷേധം. രണ്ട് എംപിമാർ കറുത്ത ഗൗൺ അണിഞ്ഞാണ് ബജറ്റ് അവതരണദിനം രാവിലെ പാർലമെന്റിലേക്ക് വന്നത്.
Also Read: കോവിഡ് വാക്‌സിനേഷനെ എതിർക്കേണ്ടതില്ല; ഐഎംഎ
