കൊണ്ടോട്ടി: കരിപ്പൂര് വിമാനത്താവളത്തിലെ റണ്വേ സുരക്ഷാ മതിലിനോട് ചേര്ന്ന് ഉഗ്രശേഷിയുള്ള ഗുണ്ട് കണ്ടെടുത്തു. കൊണ്ടോട്ടി ഗവ. ഹയര് സെക്കണ്ടറി സ്കൂളിന് സമീപം സംസ്ഥാനപാത- 65ല് റണ്വേയുടെ സുരക്ഷാ മതിലിനോട് ചേര്ന്നാണ് സ്ഫോടക വസ്തു കണ്ടെത്തിയത്. ബോംബ് സ്ക്വഡ് എത്തി ഗുണ്ട് നിർവീര്യമാക്കി.
സംഭവം ശ്രദ്ധയിൽപ്പെട്ട നാട്ടുകാരാണ് വിവരം പോലീസില് അറിയിച്ചത്. ഗുണ്ട് കണ്ടെത്തിയ സ്ഥലത്തുനിന്നും റണ്വേയിലേക്ക് 50 മീറ്ററില് താഴെമാത്രമാണ് ദൂരം.
മലപ്പുറത്ത് നിന്ന് ബോംബ് സ്ക്വാഡ് എത്തിയാണ് ഗുണ്ട് നിര്വീര്യമാക്കിയത്. തിരഞ്ഞെടുപ്പ് വിജയാഹ്ളാദ പ്രകടനത്തില് ഓലപ്പടക്കത്തിനൊപ്പം പൊട്ടിക്കാന് കൊണ്ടുവന്ന ഗുണ്ട് പൊട്ടാതെ കിടന്നതായിരിക്കാം എന്നാണ് പ്രാഥമിക നിഗമനം.
Malabar News: ബീനാച്ചി എസ്റ്റേറ്റ് ഭൂമി വന്യജീവി പുനരധിവാസ കേന്ദ്രമാക്കണമെന്ന ആവശ്യം ശക്തം