തിരുവനന്തപുരം : സംസ്ഥാനത്ത് കുട്ടികൾക്കെതിരായ അക്രമങ്ങൾ വർധിക്കുന്നതായി പോലീസ്. കഴിഞ്ഞ 5 മാസത്തെ കണക്കുകൾ പരിശോധിക്കുമ്പോൾ കുട്ടികൾക്കെതിരായ അക്രമങ്ങളിൽ വലിയ വർധനയാണ് സംസ്ഥാനത്ത് ഉണ്ടായിട്ടുള്ളത്. 1,639 കേസുകളാണ് ഈ കാലയളവിൽ സംസ്ഥാനത്ത് രജിസ്റ്റർ ചെയ്തത്.
2021 ജനുവരി മുതൽ മെയ് വരെയുള്ള കണക്കുകളിലാണ് സംസ്ഥാനത്ത് ഇത്രയധികം വർധന ഉണ്ടായത്. ആകെ കേസുകളിൽ 627 കുട്ടികൾ കഴിഞ്ഞ 5 മാസത്തിനിടെ സംസ്ഥാനത്ത് ബലാൽസംഗത്തിന് ഇരയായതായി പോലീസ് വ്യക്തമാക്കുന്നുണ്ട്. കൂടാതെ ഈ കാലയളവിൽ മാത്രം സംസ്ഥാനത്ത് 15 കുട്ടികൾ കൊല്ലപ്പെട്ടിട്ടുണ്ടെന്നും, 89 കുട്ടികൾ തട്ടിക്കൊണ്ട് പോകലിന് ഇരയായിട്ടുണ്ടെന്നും കണക്കുകൾ സൂചിപ്പിക്കുന്നു.
അതേസമയം കഴിഞ്ഞ ഒന്നര വർഷത്തെ കണക്കുകൾ പരിശോധിക്കുമ്പോൾ സംസ്ഥാനത്ത് 43 കുട്ടികളാണ് അക്രമങ്ങളെ തുടർന്ന് കൊല്ലപ്പെട്ടത്. കൂടാതെ 5 വയസിന് താഴെയുള്ള കുട്ടികൾ പോലും വലിയ രീതിയിൽ ലൈംഗിക അതിക്രമങ്ങൾക്ക് ഇരയായിട്ടുണ്ടെന്ന് പോലീസ് വ്യക്തമാക്കുന്നു.
Read also : മഴക്കാലമാണ്, മുടിയുടെ പരിചരണം മറക്കല്ലേ