വില്‍പനയില്‍ കഴിഞ്ഞ വര്‍ഷത്തെക്കാള്‍ 60 ശതമാനത്തിലധികം വര്‍ധനയുമായി ആമസോണ്‍. കമ്പനിയുടെ ഏറ്റവും വലിയ ഹോളിഡേ ഷോപ്പിങ് സീസണിന് ഈ വര്‍ഷം സാക്ഷ്യം വഹിച്ചതായി ആമസോണ്‍ വെളിപ്പെടുത്തി. ബ്‌ളാക്ക് ഫ്രൈഡേ മുതല്‍ സൈബര്‍ മണ്‍ഡേ വരെയുള്ള ലോകവ്യാപക വില്‍പനയില്‍ 4.8 ബില്യണ്‍ ഡോളര്‍ (ഏകദേശം 35383.58 കോടി രൂപ) കവിഞ്ഞുവെന്ന് കമ്പനി അറിയിച്ചു.
ലോകമെമ്പാടുമുള്ള 71,000ത്തിലധികം ചെറുകിട, ഇടത്തരം ബിസിനസുകള്‍ക്ക് ഈ അവധിക്കാലത്ത് ഇന്നേവരെയുള്ള വില്‍പനയില്‍ ഒരു ലക്ഷം ഡോളര്‍ വരുമാനം നേടാനും കഴിഞ്ഞു. ആമസോണ്‍ വഴിയുള്ള സ്വതന്ത്ര ബിസിനസുകളിലൂടെ ലോകമെമ്പാടും 2.2 ദശലക്ഷം തൊഴിലവസരങ്ങള്‍ സൃഷ്‌ടിച്ചതായി കമ്പനി അറിയിച്ചു. അമേരിക്കന്‍ ചെറുകിട- ഇടത്തര വ്യവസായങ്ങള്‍ (എസ്എംബികള്‍) ഈ അവധിക്കാലത്ത് മിനിറ്റില്‍ ശരാശരി 9,500 ഉല്‍പന്നങ്ങളാണ് വിറ്റിരുന്നത്.
