ഡെൽഹി: ജമ്മു കശ്‌മീരിന്റെ സംസ്‌ഥാന പദവി പുനസ്‌ഥാപിക്കുമെന്ന് കേന്ദ്ര ആഭ്യന്തരമന്ത്രി അമിത് ഷാ. നിയമസഭ തിരഞ്ഞെടുപ്പിന് ശേഷം ജമ്മു കശ്‌മീരിന്റെ സംസ്‌ഥാന പദവി പുനസ്‌ഥാപിക്കുമെന്ന് അമിത് ഷാ ജമ്മു കശ്‌മീരിൽ പറഞ്ഞു. അതിർത്തി നിർണയം നടത്തുമെന്നും അദ്ദേഹം കൂട്ടിച്ചേർത്തു.
എന്നാൽ ജമ്മു കശ്‌മീരിനുണ്ടായിരുന്ന പ്രത്യേക പദവി പുനസ്‌ഥാപിക്കുന്നതിനെ കുറിച്ച് സൂചനകളൊന്നും പുറത്തു വന്നിട്ടില്ല. 2019 ഒക്‌ടോബർ 31നാണ് ജമ്മു കശ്‌മീർ ലഡാക്ക്, ജമ്മു എന്നീ കേന്ദ്രഭരണ പ്രദേശങ്ങളായി മാറിയത്. അതിനു ശേഷം ആദ്യമായാണ് കേന്ദ്ര ആഭ്യന്തരമന്ത്രി ജമ്മു കശ്‌മീരിലെത്തുന്നത്.
മൂന്ന് ദിവസത്തെ സന്ദർശനത്തിനായാണ് അമിത് ഷാ ഇന്ന് ജമ്മു കശ്‌മീരിലെത്തിയത്. സന്ദർശനത്തിന്റെ ഭാഗമായി ശ്രീനഗർ- ഷാർജ ആദ്യ വിമാന സർവീസും അമിത് ഷാ ഫ്‌ളാഗ് ഓഫ് ചെയ്‌തു. ഭീകരാക്രമണങ്ങളുടെ പശ്‌ചാത്തലത്തിൽ വിവിധ സേനാ തലവൻമാരുമായി അമിത് ഷായുടെ അധ്യക്ഷതയിൽ ഉന്നത തല യോഗം ചേർന്നു.
Kerala News: നിപ; വവ്വാലുകളുടെ വിവരശേഖരണം ആരംഭിച്ചു
