കൊൽക്കത്ത: തിരഞ്ഞെടുപ്പുമായി ബന്ധപ്പെട്ട മാതൃക പെരുമാറ്റ ചട്ടം തൃണമൂൽ കോൺഗ്രസ് നേതാവ് മമത ബാനർജി ലംഘിച്ചുവെന്ന് ഇലക്ഷൻ കമ്മീഷനിൽ ബിജെപി പരാതി നൽകി. ബിജെപി റാലിയിൽ പങ്കെടുക്കുന്നവർ പണം വാങ്ങിയിട്ടാണ് പങ്കെടുക്കുന്നതെന്ന് മമത ആരോപിച്ചുവെന്നാണ് പരാതിയുടെ ഉളളടക്കം.
കുൽപി ഗ്രാമത്തിലെ തിരഞ്ഞെടുപ്പ് പ്രചാരണ പ്രസംഗത്തിലാണ് മമത ഇപ്രകാരം പറഞ്ഞത്. മമതയുടെ പ്രസംഗം മാതൃക പെരുമാറ്റചട്ടത്തിന്റെ ലംഘനമാണ്. ഇത് ജനങ്ങൾക്കിടയിൽ വിദ്വേഷവും കൈക്കൂലിയും പ്രോൽസാഹിപ്പിക്കുന്ന രീതിയാണെന്നും ബിജെപി ആരോപിച്ചു.
ബിജെപി റാലിയിൽ പങ്കെടുക്കുന്നതിന് ആളുകൾ പണം വാങ്ങുന്നു എന്ന് നിങ്ങൾ ആരോപിച്ചു. ബംഗാളികൾ ആത്മാഭിമാനമുള്ള ജനങ്ങളാണ്. ഈ പ്രസ്താവനയിലൂടെ നിങ്ങൾ ബംഗാളിലെ ജനങ്ങളെ അപമാനിക്കുകയാണ് ചെയ്തത്. താരകേശ്വറിൽ നടന്ന റാലിയിൽ പ്രധാനമന്ത്രി മോദി, മമതക്ക് മറുപടിയായി പറഞ്ഞു.
Kerala News: മാളില് തോക്ക് കണ്ടെത്തിയ സംഭവം; അന്വേഷണം കൂടുതല് പേരിലേക്ക്