തിരുവനന്തപുരം: ബഫർ സോൺ വിധിയിൽ പ്രതികരണവുമായി വനം മന്ത്രി എകെ ശശീന്ദ്രൻ. കേന്ദ്ര എംപവർ കമ്മറ്റി മുഖാന്തിരം കേന്ദ്ര സർക്കാരിലൂടെ സുപ്രീം കോടതിയെ സമീപിക്കാമെന്ന് കോടതി തന്നെ പറഞ്ഞിട്ടുണ്ട്. അതിനാൽ ഈ വഴിയിലൂടെ സഞ്ചരിച്ച് പരിഹാരം കാണാൻ കഴിയുമെന്ന് പ്രതീക്ഷിക്കുന്നതായും വനം മന്ത്രി പറഞ്ഞു. ഇതിനാവശ്യമായ നടപടികൾ സ്വീകരിച്ചതായും മന്ത്രി അറിയിച്ചു.
1 കിലോമീറ്റർ ബഫർ സോൺ എന്നായിരുന്നു സുപ്രീം കോടതി നിർദ്ദേശം. ഇതിന് പിന്നാലെ കേരളത്തിലെ മലയോര മേഖലകളിൽ വലിയ തോതിൽ പ്രതിഷേധം ഉയർന്നിരുന്നു. വിഷയത്തിൽ കേന്ദ്രം ഇടപ്പെടണമെന്നാവശ്യപ്പെട്ട് ഇന്ന് തൃശൂർ ജില്ലയിലെ മലയോര മേഖലയിൽ ഹർത്താൽ പ്രഖ്യാപിച്ചിരിക്കുകയാണ്. രാവിലെ 6 മുതൽ വൈകീട്ട് 6 വരെയാണ് ഹർത്താൽ.
Read Also: മുഖ്യമന്ത്രിക്ക് എതിരെ അവകാശ ലംഘന നോട്ടീസ് നൽകി പ്രതിപക്ഷം