കൊച്ചി: ലൈഫ് മിഷന്‍ ആരോപണങ്ങളില്‍ സി ബി ഐ കേസെടുത്തു. ഇതുമായി ബന്ധപ്പെട്ട് കൊച്ചി പ്രത്യേക കോടതിയില്‍ സി ബി ഐ റിപ്പോര്‍ട്ട് നല്‍കി. എഫ്.സി.ആര്‍.ഐ പ്രകാരമാണ് കേസ്. റെഡ് ക്രസന്റുമായി ബന്ധപ്പെട്ട പണമിടപാടിലാണ് കേസ് ഏറ്റെടുത്തിരിക്കുന്നത്. നിലവില്‍ ആരേയും പ്രതി ചേര്‍ത്തിട്ടില്ല.
കേസിലെ അഴിമതിയും വിദേശ സഹായം സ്വീകരിക്കുമ്പോള്‍ സംസ്ഥാന സര്‍ക്കാര്‍ പ്രോട്ടോക്കോള്‍ പാലിച്ചോയെന്ന കാര്യവും സി ബി ഐ അന്വേഷണ വിധേയമാക്കും. രേഖകള്‍ ഉള്‍പ്പടെ പിടിച്ചെടുക്കാന്‍ വരും ദിവസങ്ങളില്‍ ലൈഫ് മിഷന്‍ ഓഫീസില്‍ സി ബി ഐ റെയ്ഡ് നടത്താനും സാധ്യതയുണ്ട്. മാത്രവുമല്ല സ്വപ്‌ന സുരേഷ് അടക്കമുളള വ്യക്തികളെ ചോദ്യം ചെയ്യാനുളള സാദ്ധ്യതയും ഏറെയാണ്.
ലൈഫ് മിഷനില്‍ വിജിലന്‍സ് അന്വേഷണം പ്രഖ്യാപിച്ച സര്‍ക്കാര്‍ നടപടിക്ക് പിന്നാലെയാണ് സി ബി ഐ കേസ് ഏറ്റെടുത്തിരിക്കുന്നത്. ലൈഫ് വിഷയത്തില്‍ വിജിലന്‍സ് അന്വേഷണം പ്രഖ്യാപിച്ചത് നാടകമാണെന്ന് പ്രതിപക്ഷം നേരത്തെ ആരോപണം ഉന്നയിച്ചിരുന്നു.
Read Also: ഒന്നാം വര്‍ഷ ക്ലാസുകള്‍ നവംബര്‍ 1 മുതല്‍
