പാലക്കാട്: കിണത്തുക്കടവ് സർക്കാർ ഹയർ സെക്കൻഡറി സ്കൂൾ അധ്യാപിക കോവിഡ് രോഗബാധ മറച്ചുവച്ചു ക്ളാസുകൾ നടത്തിയെന്ന് ആരോപണം. അധ്യാപികക്ക് കോവിഡ് ബാധിച്ചത് ബുധനാഴ്ച വരെ ആരോഗ്യ വകുപ്പിനെ അറിയിക്കാതെയും മുൻകരുതൽ നടപടികൾ സ്വീകരിക്കാതെയും സ്കൂൾ പ്രവർത്തിച്ചുവെന്ന് രക്ഷിതാക്കൾ ആരോപിക്കുന്നു.
സ്കൂളിൽ 9മുതൽ 12 വരെ ക്ളാസുകളിൽ 450 കുട്ടികൾ പഠിക്കുന്നുണ്ട്. കോവിഡ് ബാധിച്ച അധ്യാപികയും അവരുടെ അമ്മയും നിലവിൽ സർക്കാർ മെഡിക്കൽ കോളേജ് ആശുപത്രിയിൽ ചികിൽസയിലാണ്.
എന്നാൽ ആരോഗ്യവകുപ്പിനെ വിവരമറിയിച്ചില്ല എന്നത് തെറ്റാണെന്നും അധികൃതർ സ്കൂളിലെത്തി അധ്യാപകരെയും വിദ്യാർഥികളെയും പരിശോധിച്ചിരുന്നു എന്നും ചീഫ് എജ്യുക്കേഷണൽ ഓഫീസർ ഉഷ പറഞ്ഞു. സ്കൂൾ അധികൃതർക്ക് വ്യക്തമായ നിർദേശങ്ങൾ നൽകിയിട്ടുണ്ടെന്നും വിദ്യാർഥികളെ നിരീക്ഷിച്ചു വരുന്നതായും ചീഫ് എജ്യുക്കേഷണൽ ഓഫീസർ വ്യക്തമാക്കി.
Read also: ചെങ്ങണാംകുന്ന് റെഗുലേറ്റർ; ഉൽഘാടനം നാളെ