പണ്ഡിത സംഗമത്തില്‍ വിഷയവാതരണം നടത്തുന്ന സമസ്‌ത കേന്ദ്ര മുശാവറ അംഗം ചെറുശോല അബ്‌ദുൽ ജലീല്‍ സഖാഫി
മലപ്പുറം: ചെയിന്‍ / ഷെയർ ബിസിനസ് എന്ന പേരിലും മറ്റും സമൂഹത്തില്‍ വ്യാപകമായിവരുന്ന ഉറവിടം അറിയാത്ത ബിസിനസ് ഇടപാടുകളില്‍ വഞ്ചിതരാവരുതെന്നും സാമ്പത്തിക വിശുദ്ധി ഉറപ്പില്ലാത്തതും പാപഭാരം ഉള്ളതുമായ ബിസിനസുകളില്‍ നിന്ന് വിട്ടു നില്‍ക്കണമെന്നും മലപ്പുറം മേഖലാ ഇസ്‌ലാമിക പണ്ഡിത സംഗമം.
ബിസിനസ് എന്നപേരിൽ അരങ്ങേറുന്ന ഇത്തരം സാമ്പത്തിക തട്ടിപ്പുകളും പാപഭാരം പേറുന്ന ബിസിനസുകളും തുറന്ന് കാട്ടാന്‍ പണ്ഡിതര്‍ മുന്നിട്ടിറങ്ങണമെന്നും ഇത്തരം ബിസിനസുകൾക്ക് പ്രേരണ നല്‍കുന്നവര്‍ക്ക് ഒരുവിധ പിന്തുണയും നല്‍കരുതെന്നും ഇത്തരക്കാരെ നിയമത്തിന് മുന്നില്‍ എത്തിക്കാന്‍ ശ്രദ്ധിക്കണമെന്നും പണ്ഡിത സംഗമം ആവശ്യപ്പെട്ടു.
സമൂഹത്തില്‍ വര്‍ധിച്ച് വരുന്ന ഇത്തരം തട്ടിപ്പുകള്‍ക്കെതിരെ മഹല്ല്, യൂണിറ്റ് തലങ്ങളില്‍ ബോധവല്‍ക്കരണം സംഘടിപ്പിക്കുവാനും പണ്ഡിത സംഗമം തീരുമാനിച്ചു. സമസ്‌ത മലപ്പുറം മേഖലാ കമ്മിറ്റി മഅ്ദിന്‍ കാമ്പസില്‍ സംഘടിപ്പിച്ച പണ്ഡിത സംഗമം സമസ്‌ത കേന്ദ്ര മുശാവറ അംഗം പൊൻമള മൊയിതീൻകുട്ടി കുട്ടി ബാഖവി ഉൽഘാടനം നിർവഹിച്ചു.
സമസ്‌ത മേഖലാ പ്രസിഡണ്ട് ഇബ്‌റാഹീം ബാഖവി മേല്‍മുറി അധ്യക്ഷത വഹിച്ച ചടങ്ങിൽ കേന്ദ്ര മുശാവറ അംഗം ചെറുശോല അബ്‌ദുൽ ജലീല്‍ സഖാഫി വിഷയാവതരണം നടത്തി. സയ്യിദ് ജഅഫര്‍ തുറാബ് തങ്ങള്‍ പാണക്കാട്, എസ്‌വൈഎസ്‍ സംസ്‌ഥാന വൈസ് പ്രസിഡണ്ട് എന്‍എം സ്വാദിഖ് സഖാഫി പെരിന്താറ്റിരി, ഉമര്‍ മുസ്‌ലിയാര്‍ പള്ളിപ്പുറം, മുഹമ്മദ് അഹ്‌സനി കോഡൂര്‍, നജ്‌മുദ്ധീന്‍ സഖാഫി പൂക്കോട്ടൂര്‍ എന്നിവർ സംഗമത്തിൽ പ്രസംഗിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
