മലപ്പുറം: പോലീസിനെ കണ്ട് ഭയന്ന് പുഴയില്‍ ചാടിയ യുവാവിന്റെ മൃതദേഹം കണ്ടെത്തി. മണല്‍ വാരല്‍ സംഘങ്ങളെ പിടികൂടാന്‍ വന്ന പോലീസിനെ കണ്ട് പുഴയില്‍ ചാടിയ ബീരാഞ്ചിറ സ്വദേശി അന്‍വറിന്റെ മൃതദേഹമാണ് കണ്ടെത്തിയത്. കൂട്ടായിയില്‍ നിന്നുള്ള മല്‍സ്യത്തൊഴിലാളികള്‍ നടത്തിയ തിരച്ചിലിന് ഒടുവിലാണ് മൃതദേഹം കണ്ടെത്തിയത്.
ഇന്നലെ ഉച്ചക്കാണ് തിരുനാവായ കുഞ്ചുക്കടവില്‍ വെച്ച് സംഭവം നടന്നത്. മണല്‍ വാരല്‍ സംഘങ്ങളെ പിടികൂടാന്‍ വന്ന പോലീസിനെ കണ്ട് ഭയന്ന അന്‍വറും സുഹൃത്തായ ആഷിമും പുഴയില്‍ ചാടുകയായിരുന്നു. അന്‍വറിന്റെ മൃതദേഹം തിരൂര്‍ ജനറല്‍ ആശുപത്രിയിലേക്ക് മാറ്റി.
അതേസമയം ഇവരെ രക്ഷപ്പെടുത്താന്‍ പുഴയിലേക്കിറങ്ങിയെ നാട്ടുകാരെ പോലീസ് തടഞ്ഞതായി ആക്ഷേപം ഉയര്‍ന്നു.
Malabar News: നഗരത്തില്‍ തുടര്‍ച്ചയായ രണ്ടാം ദിവസവും ഗുണ്ടാ വിളയാട്ടം; കടയുടമയെ അക്രമിച്ചു
