ചെന്നൈ: തമിഴ്നാട് മുഖ്യമന്ത്രി എംകെ സ്റ്റാലിനെ അഭിനന്ദിച്ച് സിനിമാ താരങ്ങളായ സൂര്യയും ജ്യോതികയും. നരിക്കുറവര്, ഇരുളര് തുടങ്ങിയ ആദിവാസി വിഭാഗങ്ങളില്പ്പെട്ട 282 പേര്ക്ക് പട്ടയവും ജാതി സര്ട്ടിഫിക്കറ്റും നല്കിയതിന് പിന്നാലെയാണ് അഭിനന്ദനം. ഗോത്ര വര്ഗങ്ങള്ക്കിടയില് കാലങ്ങളായി തുടരുന്ന പ്രശ്നങ്ങള്ക്ക് ശാശ്വതമായ പരിഹാരം ഉണ്ടാകുമെന്നാണ് പ്രതീക്ഷിക്കുന്നതെന്നും സൂര്യ ട്വീറ്റ് ചെയ്തു.
അംബേദ്കർ മുൻപ് പറഞ്ഞത് ഇങ്ങനെയാണ്. നമ്മള് ഇന്ത്യക്കാരാണ്, ആദ്യമായും ആത്യന്തികമായും. അദ്ദേഹത്തിന്റെ വിശ്വാസം യാഥാർഥ്യമാക്കുന്നതിന് നന്ദി. താങ്കളുടെ ഭരണത്തിലും ഉടനടിയെടുക്കുന്ന നടപടികളിലും ഹൃദയം നിറഞ്ഞ നന്ദി രേഖപ്പെടുത്തുന്നു. ഒരു പൗരന് എന്ന നിലക്ക് മാത്രമല്ല, ദിവ്യയുടെയും ദേവിന്റെയും അമ്മ എന്ന നിലക്ക് കൂടിയാണ് ഇത് പറയുന്നത്. വരുന്ന തലമുറക്ക് പ്രചോദനമാകുന്നതിനും നന്ദി; ജ്യോതിക കുറിച്ചു.
வார்த்தைகளின்றி நெகிழ்ந்து நிற்கிறேன். மாண்புமிகு தமிழக முதல்வர் அவர்களின் உணர்வுப்பூர்வமான பாராட்டு, ஜெய்பீம் திரைப்படத்தின் நோக்கத்தை நிறைவேற்றி இருக்கிறது. ஜெய்பீம் படக்குழுவினர் அனைவரின் சார்பாகவும் நமது தமிழக முதல்வருக்கு நெஞ்சம் நிறைந்த நன்றிகள்… ?? https://t.co/48vBWpdjGm
— Suriya Sivakumar (@Suriya_offl) November 1, 2021
ചെങ്കല്പേട്ട് ജില്ലയിലെ മാമല്ലപുരത്ത് നരിക്കുറവ, ഇരുള സമുദായങ്ങളില്പ്പെട്ടവര് താമസിക്കുന്ന പൂഞ്ചേരിയില് കഴിഞ്ഞ ദിവസമാണ് സര്ക്കാര് ആനുകൂല്യങ്ങള് പ്രഖ്യാപിച്ചത്. പ്രദേശത്ത് അങ്കണവാടിയും, സ്കൂളുകളും അടക്കം മുനിസിപ്പല് പബ്ളിക് ഫണ്ട് സ്കീമില് 10 കോടിയുടെ വികസന പദ്ധതികളാണ് പ്രഖ്യാപിച്ചത്. പട്ടയങ്ങള്ക്കൊപ്പം തിരിച്ചറിയല് രേഖകള്, ജാതി സര്ട്ടിഫിക്കറ്റുകള്, റേഷന് കാര്ഡുകള്, ഭവന നിര്മാണത്തിനുള്ള ബോണ്ടുകള്, ക്ഷേമ പദ്ധതി കാര്ഡുകള്, പരിശീലന ഉത്തരവുകള്, വായ്പകള് എന്നിവയും വിതരണം ചെയ്തു.
Read Also: 6 വർഷത്തിനിടെ കേരളം ഇന്ധന നികുതി വർധിപ്പിച്ചിട്ടില്ല; ധനമന്ത്രി