ന്യൂഡെൽഹി: രാജ്യത്തെ ഏറ്റവും ജനപ്രിയ ഹാച്ച്ബാക്ക് മോഡലുകളിലൊന്നായ ഫോക്‌സ്‌വാഗൺ പോളോയുടെ ഉൽപാദനം നിർത്തുന്നു. താമസിയാതെ പോളോയുടെ ഇന്ത്യയിലെ ഉല്‍പാദനം ഫോക്‌സ്‌വാഗൺ അവസാനിപ്പിക്കുമെന്നാണ് വിവരം.
ഇതുവരെ 2.5 ലക്ഷത്തിലധികം പോളോകളാണ് കമ്പനി ഇന്ത്യയില്‍ വിറ്റത്. രാജ്യത്ത് ഫോക്‌സ്‌വാഗൺ ഏറ്റവും കൂടുതല്‍ വിറ്റഴിച്ച മോഡലാണ് യുവാക്കളുടെ ഹരമായി മാറിയ പോളോ. ഇപ്പോഴും പോളോയ്‌ക്ക് നിരവധി ആരാധകരാണ് രാജ്യത്തുള്ളത്.
1.2 ലിറ്റര്‍ പെട്രോള്‍, ഡീസല്‍ എഞ്ചിനുകളുമായി 2010ലാണ് ഫോക്‌സ്‌വാഗൺ പോളോ ഇന്ത്യയില്‍ അവതരിപ്പിച്ചത്. ഇന്ത്യയില്‍ നിര്‍മിക്കുന്ന ആദ്യ ഫോക്‌സ്‌വാഗൺ മോഡലെന്ന പ്രത്യേകതയുമായി എത്തിയ വാഹനത്തിന് പിന്നീട് തിരിഞ്ഞുനോക്കേണ്ടി വന്നിട്ടില്ല.
2013ല്‍ എത്തിയ പോളോ ജിടി ടിഎസ്‌ഐ വേരിയന്റിന് വളരെ അധികം ആരാധകവൃന്ദം ഉണ്ടാക്കി എടുക്കാൻ കഴിഞ്ഞിരുന്നു. എന്നാൽ 12 വര്‍ഷമായി മാറ്റമില്ലാതെ തുടരുന്ന ഡിസൈനും കഴിഞ്ഞ കാലത്തുണ്ടായ വില്‍പനയിലെ ഇടിവുമാണ് പോളോയെ പിന്‍വലിക്കാന്‍ ഫോക്‌സ്‌വാഗണെ പ്രേരിപ്പിക്കുന്ന ഘടകങ്ങളെന്നാണ് സൂചന.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
