ദുബായ്: കാസർഗോഡ് ജില്ലയിലെ ഉദുമ സ്വദേശി ജുനൈദ് ഷെരീഫിന് യുഎഇ ഗോൾഡൻ വിസ ലഭിച്ചു. സിംഗപ്പൂർ ആസ്‌ഥാനമായ ദുബായിലെ ഫിൻടെക്‌ സ്‌ഥാപനം (DT One) ഡിടി വണിന്റെ ബിസിനസ് ഡയറക്‌ടർ എന്ന നിലയിലും മിഡിൽ ഈസ്‌റ്റ് റീജിയണൽ തലവനായും ജോലി ചെയ്‌തു വരികയാണ് ഇദ്ദേഹം.
എഞ്ചിനീയറിംഗ് ബിരുദധാരിയായ ഇദ്ദേഹത്തിന് സ്‌പെഷ്യലൈസ്‌ഡ് സ്‌കിൽസ് വിഭാഗത്തിലാണ് ഗോൾഡൻ വിസ ലഭിച്ചത്. 18 വർഷമായി ദുബൈയിൽ വിവിധ ഫിനാൻഷ്യൽ ഇൻസ്‌റ്റിറ്റ്യൂഷനിൽ ജോലി ചെയ്‌തുള്ള അനുഭവസമ്പത്തിന് ഉടമയാണ് ജുനൈദ് ഷെരീഫ്.
ഉദുമ കുണ്ടുകുളം പാറയിലെ അബ്‌ദുൽഖാദർ ഷെരീഫിന്റെയും ജമീല ഷരീഫിന്റെയും മൂത്ത മകനായ ജുനൈദ്, ഉദുമയിലെ പൗരപ്രമുഖൻ പരേതനായ യുപി മാഹിൻച്ചയുടെ പേരമകനാണ്. ഷാർജ എത്തിസലാത്തിൽ കീ അക്കൗണ്ട് മാനേജരായി ജോലി ചെയ്യുന്ന മറിയം ജൗഹറ ഷെരീഫ് ആണ് ഭാര്യ. ജെംസ് മില്ലേനിയം സ്‌കൂളിലെ ഗ്രേഡ് 11 വിദ്യാർഥി ജിബ്രാൻ ഷെരീഫ് മകനാണ്.
AROGYA LOKAM | 63ആം വയസിൽ ബോഡി ബിൽഡിങ്ങിൽ ‘മിസ്‌റ്റർ വേൾഡ്’ സ്വന്തമാക്കി മലയാളി
