തിരുവനന്തപുരം: സംസ്ഥാനത്തെ അർഹരായ മുഴുവൻ ഭൂരഹിത, ഭവനരഹിതർക്കും ജീവിത സുരക്ഷിതത്വം ഉറപ്പുവരുത്തുന്നതിന്റെ ഭാഗമായുള്ള ലൈഫ് പദ്ധതിയിലെ വീടുകളുടെ പൂർത്തീകരണ പ്രഖ്യാപനം ഇന്ന് നടക്കും. ഉച്ചയ്ക്ക് 12 മണിക്ക് മുഖ്യമന്ത്രി പിണറായി വിജയനാണ് ഉൽഘാടനം നിർവഹിക്കുന്നത്.
നൂറുദിന കര്മ്മപരിപാടിയില് ഉള്പ്പെടുത്തി 12,067 വീടുകളുടെ നിർമാണമാണ് ഈ കുറഞ്ഞ സമയം കൊണ്ട് പൂർത്തിയാക്കിയത്. ഇവയുടെ ഉൽഘാടനമാണ് ഇന്ന് നിർവഹിക്കുന്നത്. ഇതില് 10,058 വീടുകള് ലൈഫ് മിഷന് മുഖേനയും 2,009 വീടുകള് പിഎംഎവൈ (നഗരം) പദ്ധതി മുഖേനയുമാണ് നിർമിച്ചത്.
7,832 വീടുകള് ജനറല് വിഭാഗത്തിനും, 3,358 വീടുകള് പട്ടികജാതി വിഭാഗത്തിനും, 606 വീടുകള് പട്ടികവര്ഗ വിഭാഗത്തിനും, 271 വീടുകള് മൽസ്യത്തൊഴിലാളി വിഭാഗത്തിനുമാണ് ലഭിച്ചിരിക്കുന്നത്.
2016 മുതൽ 2021 വരെയുള്ള കാലയളവിൽ ലൈഫ് ഭവന പദ്ധതിയുടെ ഭാഗമായി വിവിധ ഘട്ടങ്ങളിലായി 262,131 വീടുകൾ പൂർത്തീകരിച്ചിട്ടുണ്ടെന്നാണ് കണക്കുകൾ സൂചിപ്പിക്കുന്നത്.
Read Also: സ്റ്റേഷൻ ചുമതല സിഐമാർക്ക് നൽകിയ തീരുമാനത്തിൽ പുനഃപരിശോധന