മധുര: എസ്എസ്എഫ് ഉത്തർപ്രദേശ് വെസ്റ്റ് സംസ്ഥാന കമ്മറ്റിക്ക് പുതിയ നേതൃത്വം. കഴിഞ്ഞ ദിവസം മധുരയിൽ വച്ച് നടന്ന യുപി വെസ്റ്റ് സ്റ്റുഡന്റ്സ് കോൺഫറൻസിൽ എസ്എസ്എഫ് ദേശീയ ജനറൽ സെക്രട്ടറി ഡോ.ഫറൂഖ് നഈമിയാണ് ഭാരവാഹികളെ പ്രഖ്യാപിച്ചത്.
ദേശീയ തലത്തിലെ മെമ്പർഷിപ്പ് പുനഃസംഘടനാ പ്രവർത്തനങ്ങക്ക് കഴിഞ്ഞ മാസമാണ് തുടക്കം കുറിച്ചത്. മാർച്ച് അവസാനത്തോടെ നടക്കുന്ന ദേശീയ കൗൺസിലിന് മുന്നോടിയായി 25 സംസ്ഥാന കമ്മറ്റികളുടെ പുനഃസംഘടനാ പ്രവർത്തനങ്ങൾ പൂർത്തിയാവും.
ഉത്തർപ്രദേശ് വെസ്റ്റിൽ സംസ്ഥാന കമ്മറ്റിയുടെ പ്രസിഡണ്ടായി മൗലാനാ ഇബ്രാഹീം, ജനറൽ സെക്രട്ടറിയായി മുഫീദ് ആലം, ഫിനാൻസ് സെക്രട്ടറിയായി മുബീൻ എന്നിവരാണ് അധികാരത്തിൽ വന്നത്. ഇവരെ കൂടാതെ, രണ്ട് വൈസ് പ്രസിഡണ്ടുമാരും നാല് സെക്രട്ടറിമാരുമടങ്ങുന്ന സമിതിയെയും തിരഞ്ഞെടുത്തു.
കൗൺസിൽ നടപടിക്ക് എസ്എസ്എഫ് ദേശീയ ജനറൽ സെക്രട്ടറി ഡോ.ഫാറൂഖ് നഈമി അൽബുഖാരി നേതൃത്വം നൽകി. ദേശീയ ഉപാധ്യക്ഷൻ നൗഷാദ് ആലം മിസ്ബാഹി, സെക്രട്ടറി ശരീഫ് ബാംഗ്ളൂർ, ഉബൈദ് സഖാഫി, ശാഫി നൂറാനി, സ്വാദിഖ് നൂറാനി എന്നിവരും സ്റ്റുഡന്റ്സ് കോൺഫറൻസിൽ സംബന്ധിച്ചു.
Most Read: മോദിഭരണം; രാജ്യത്ത് പെട്രോൾ കൊള്ളയടി 100ഉം കടന്ന് മുന്നോട്ട്