റിയാദ്: റമദാൻ വ്രതമാചരണ ഭാഗമായും പരസ്പര സൗഹാർദ്ദം ഊട്ടിയുറപ്പിക്കുന്നതിനും സംഘടിപ്പിച്ച ഇഫ്താർ സംഗമത്തിൽ PCWF അംഗങ്ങൾ ഉൾപ്പടെ നിരവധിപേർ പങ്കെടുത്തു. സാംസ്കാരിക, ജീവകാരുണ്യ പ്രവർത്തകർ പങ്കെടുത്ത സ്നേഹകൂട്ടായ്മയിൽ സംഘടനയുടെ സൗദി മുഖ്യ രക്ഷധികാരി സലീം കളക്കര അധ്യക്ഷത വഹിച്ചു.
ജീവകാരുണ്യ പ്രവർത്തകൻ ശിഹാബ് കൊട്ടുകാട് ഉൽഘാടനം ചെയ്ത ചടങ്ങിൽ സൗദി നാഷണൽ കമ്മിറ്റി ട്രെഷറർ അൻസാർ നൈതല്ലൂരാണ് സ്വാഗതം പറഞ്ഞത്. റിയാദിലെ സാമൂഹിക പ്രവർത്തകരായ റസൂൽ സലാം, കെടി അബൂബക്കർ, അലഫ്, കബീർ വെളിയംകോട്, ജയൻ കൊടുങ്ങല്ലൂർ, വിജയൻ എന്നിവരാണ് ചടങ്ങിന് ആശംസകൾ നേർന്നത്.
നാട്ടിലെയും വിദേശത്തെയും പൊന്നാനി താലുക്ക് നിവാസികളെ ഒരു കുടകീഴിൽ ഒരുമിപ്പിച്ചു പ്രവർത്തിക്കുന്ന സംഘടനയാണ് പൊന്നാനി കൾച്ചറൽ വേൾഡ് ഫൌണ്ടേഷൻ. ഫാജിസ് നന്ദി പറഞ്ഞ ഇഫ്താർ സംഗമത്തിന്, ഷമീർ മേഘ, അസ്ലം കളക്കര, ഫസൽ റഹ്മാൻ, ഷഫീക് എന്നിവരാണ് നേതൃത്വം നൽകിയത്.
സംഘടനയുടെ സ്ഥാപിത താൽപര്യമായ സ്ത്രീധന രഹിത പൊന്നാനി എന്ന ലക്ഷ്യത്തിനായി കഴിഞ്ഞ കാലങ്ങളിൽ 200 ഓളം സ്ത്രീധന രഹിത വിവാഹങ്ങൾ സംഘടിപ്പിച്ചതായും സ്ത്രീകളെ സ്വയം പര്യാപ്തരാക്കുക എന്നലക്ഷത്തിൽ നിരവധി പ്രവത്തനങ്ങൾ നടത്തന്നുണ്ടെന്നും അധ്യക്ഷ പ്രസംഗത്തിൽ സലിം കളക്കര പറഞ്ഞു. പാവപെട്ട രോഗികൾക്ക് സ്വാന്തനം നൽകുന്ന മെഡികയർ യൂണിറ്റ് ഉൾപ്പടെയുള്ള പ്രവർത്തന മേഖലകളും സംഘടനയുടെ ഭാഗമാണെന്നും സലിം കളക്കര പറഞ്ഞു.
MOST READ: ജാമ്യ ഇളവ്; മദനിയുടെ ഹരജി തിങ്കളാഴ്ച സുപ്രീം കോടതിയിൽ