ന്യൂ ഡെല്ഹി: ഹത്രസില് മലയാളി മാദ്ധ്യമ പ്രവര്ത്തകനെതിരെ യു.എ.പി.എ ചുമത്തിയ നടപടിക്കെതിരെ മുതിര്ന്ന കോണ്ഗ്രസ് നേതാവ് കപില് സിബല്. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
‘മാദ്ധ്യമ പ്രവര്ത്തകര്ക്കെതിരെ യു.എ.പി.എ ചുമത്തി കേസ്. ഹത്രസിലെത്തിയതിന് പിന്നില് ഗൂഢാലോചനയെന്ന് സംശയിച്ചാണ് ഈ നടപടി. രാജ്യത്തിനകത്തെ എതിര് ശബ്ദങ്ങളെ നിശബ്ദരാക്കാന് കേന്ദ്രം യു.എ.പി.എ ഉപയോഗിക്കുമെന്ന് ഞാന് മുമ്പൊരിക്കല് രാജ്യസഭയില് നടന്ന ചര്ച്ചയില് പറഞ്ഞിരുന്നതാണ്. നമുക്ക് വേണ്ടത് സ്വാതന്ത്ര്യമാണ്, അതിനുമുമ്പുള്ള ഭരണക്രമമല്ല’- കപില് സിബല് ട്വീറ്റ് ചെയ്തു.
UAPA
Journalists booked under UAPA : “Alleged conspiracy behind their visit to Hathras”
Intervening in
debate in Rajya Sabha I said UAPA will be used to target our ownBeing used to silence dissent
Wanted “Swaraj” not for the “Raj” to be back
— Kapil Sibal (@KapilSibal) October 8, 2020
കഴിഞ്ഞദിവസമാണ് കൊല്ലപ്പെട്ട പെണ്കുട്ടിയുടെ വീട് സന്ദര്ശിക്കാന് പോകുന്നതിനിടയില് മലയാളി മാദ്ധ്യമ പ്രവര്ത്തകനും കെ.യു.ഡബ്ല്യു.ജെ ഡെല്ഹി യൂണിറ്റ് സെക്രട്ടറിയുമായ സിദ്ദീഖ് കാപ്പനെതിരെ രാജ്യദ്രോഹകുറ്റം ചുമത്തി യു.പി പൊലീസ് കേസെടുത്തത്. മതവിദ്വേഷം വളര്ത്തി എന്ന് ആരോപിച്ചാണ് കേസ് എടുത്തിരിക്കുന്നത്. മാദ്ധ്യമ പ്രവര്ത്തകനാണെന്നു പറഞ്ഞിട്ടും സിദ്ദീഖിനെ അറസ്ററ് ചെയ്യുകയും ലാപ്ടോപ്പ് അടക്കമുള്ളവ പിടിച്ചെടുക്കുകയും ചെയ്തു.
Read also: വൈ എസ് ആര് കോണ്ഗ്രസ്- എന് ഡി എ സഖ്യ സാധ്യത തള്ളി ബിജെപി