വാഷിംഗ്ടണ് ഡിസി: ലോകത്തെ കോവിഡ് ബാധിതരുടെ എണ്ണം 9.7 കോടി പിന്നിട്ടു. ഔദ്യോഗിക കണക്കുകൾ പ്രകാരം നിലവില് 97,269,318 പേർക്കാണ് ലോകത്താകമാനം കോവിഡ് സ്ഥിരീകരിച്ചത്. 2,081,264 പേർക്ക് ഇതുവരെ കോവിഡ് മൂലം ജീവൻ നഷ്ടമായി. അതേസമയം 69,827,940 പേര് രോഗമുക്തിയും നേടിയിട്ടുണ്ട്.
വോള്ഡോ മീറ്ററും ജോണ്സ് ഹോപ്കിന്സ് സര്വകലാശാലയും ചേര്ന്ന് പുറത്തുവിട്ട റിപ്പോർട് പ്രകാരം കഴിഞ്ഞ 24 മണിക്കൂറിനിടെ 659,669 പേർക്കാണ് കോവിഡ് ബാധിച്ചത്. 16,958 പേര് മരണമടയുകയും ചെയ്തു.
കോവിഡ് ബാധിതരുടെ എണ്ണത്തില് ലോകത്തു ആദ്യ 20 സ്ഥാനങ്ങളിൽ ഉള്ള രാജ്യങ്ങൾ ഇവയാണ്: അമേരിക്ക, ഇന്ത്യ, ബ്രസീല്, റഷ്യ, ഫ്രാന്സ്, ബ്രിട്ടന്, തുര്ക്കി, ഇറ്റലി, സ്പെയിന്, ജര്മനി, കൊളംബിയ, അര്ജന്റീന, മെക്സിക്കോ, പോളണ്ട്, ഇറാന്, ദക്ഷിണാഫ്രിക്ക, ഉക്രേന്, പെറു, നെതർലാൻഡ്സ്, ഇന്തോനേഷ്യ.
മേൽപ്പറഞ്ഞവയിൽ 18 രാജ്യങ്ങളിലും കോവിഡ് ബാധിതരുടെ എണ്ണം 10 ലക്ഷത്തിനും മുകളിലാണ് എന്നാണ് കണക്കുകൾ വ്യക്തമാക്കുന്നത്. നിലവില് 25,360,114 പേർ വിവിധ ഇടങ്ങളിലായി ചികിൽസയിലാണ്. ഇവരില് 112,337 പേരുടെ നില അതീവ ഗുരുതരമാണെന്നും കണക്കുകൾ വ്യക്തമാക്കുന്നു.
Kerala News: തിരുവനന്തപുരം വിമാനത്താവളം; അടിയന്തര വാദത്തിന് കേരളം സുപ്രീംകോടതിയില്