നര സ്‌ത്രീ- പുരുഷ ഭേദമന്യേ എല്ലാവരെയും അലട്ടുന്ന ഒരു പ്രശ്‌നമായി മാറിയിരിക്കുകയാണ്. നരയെ പ്രതിരോധിക്കാൻ പല മാർഗങ്ങളും നാം അവലംബിക്കാറുണ്ട്. നരയുടെ വേഗം കുറക്കാനും മുടിയുടെ കറുപ്പഴക് സംരക്ഷിക്കാനുമാകും. അതിനായി വീട്ടിലിരുന്ന് ചെയ്യാവുന്ന ചില പൊടിക്കൈകൾ പരിചയപ്പെടാം.
ചിരട്ട കനലിൽ മൈലാഞ്ചി ഇല വിതറുക. ഇങ്ങനെ ലഭിക്കുന്ന കരിഞ്ഞ ഇലയും ചിരട്ടക്കരിയും പൊടിച്ചെടുത്തത് ഉപയോഗിച്ച് എണ്ണ കാച്ചിയെടുക്കാം. ഇതു പതിവായി തലയിൽ തേച്ചു കുളിക്കുന്നത് മുടിയുടെ കറുപ്പുനിറം നിലനിർത്താൻ സഹായിക്കും.
കുളിക്കുന്നതിനു മുമ്പ് കടുക്കയും മൈലാഞ്ചിയും അരച്ച് മുടിയിൽ പുരട്ടുക. മുടിയുടെ കരുത്ത് കൂട്ടാനും കറുപ്പ് നിറമേകാനും ഇതു നല്ലതാണ്. കഞ്ഞിവെള്ളം ഉപയോഗിച്ച് തല കഴുകുന്നത് അഴുക്കും താരനും അകറ്റാൻ സഹായിക്കും.
(ഓർക്കുക: ആരോഗ്യ സംബന്ധമായ വാർത്തകളിൽ പറയുന്ന കാര്യങ്ങൾ അംഗീകൃത ആരോഗ്യ വിദഗ്‌ധരുടെ അഭിപ്രായം തേടാതെ സ്വയം ചെയ്യാൻ പാടുള്ളതല്ല.)
Most Read: ടൊവിനോയും കീർത്തിയും ഒന്നിച്ച ‘വാശി’; ട്രെയ്‌ലർ പുറത്ത്
