തിരുവനന്തപുരം: സിനിമാ- നാടക നടൻ പിസി സോമൻ (81)അന്തരിച്ചു. പുലർച്ചെ നാല് മണിക്കായിരുന്നു അന്ത്യം. അമച്വർ നാടകങ്ങൾ ഉൾപ്പടെ 350 ഓളം നാടകങ്ങളിൽ ചെറുതും വലുതുമായ വേഷങ്ങൾ പിസി സോമൻ അഭിനയിച്ചിട്ടുണ്ട്. അടൂർ ഗോപാലകൃഷ്ണന്റെ സിനിമകളിലൂടെയാണ് അദ്ദേഹം ചലച്ചിത്ര ലോകത്ത് ശ്രദ്ധ നേടിയത്.
സ്വയംവരം ആയിരുന്നു ആദ്യ സിനിമ. മലയാളം ദൂരദർശന്റെ ആദ്യ കാലങ്ങളിൽ സജീവം ആയിരുന്ന അദ്ദേഹം നിരവധി സീരിയലുകളിലും അഭിനയിച്ചിട്ടുണ്ട്. കൂടാതെ ട്രാവൻകൂർ ടൈറ്റാനിയത്തിലെ ജീവനക്കാരനും ആയിരുന്നു അദ്ദേഹം.
ഗായത്രി, കൊടിയേറ്റം, മുത്താരംകുന്ന് പിഒ, അച്ചുവേട്ടന്റെ വീട്, ഇരുപതാം നൂറ്റാണ്ട്, മതിലുകൾ, ചാണക്യൻ, കൗരവർ, ധ്രുവം, ഇലയും മുള്ളും, വിധേയൻ, അഗ്നി ദേവൻ, കഴകം, കഥാപുരുഷൻ, നിഴൽക്കൂത്ത്, ഒരു പെണ്ണും രണ്ടാണും, പിന്നെയും തുടങ്ങിയവയാണ് അദ്ദേഹത്തിന്റെ ശ്രദ്ധേയമായ സിനിമകൾ.
Read Also: ഇരട്ടവോട്ട് ആരോപണം; ഹൈക്കോടതി ഹരജി തിങ്കളാഴ്ച വീണ്ടും പരിഗണിക്കും