ഫറോക്ക്: ബേപ്പൂർ മണ്ഡലം നവകേരള സദസിന്റെ ഭാഗമായി കലാകാര സംഗമം സംഘടിപ്പിച്ചു. വിവിധ മേഖലകളിൽ പ്രാഗൽഭ്യം തെളിയിച്ചവരെയും പ്രത്യേക അംഗീകാരങ്ങൾ ലഭിച്ചവരെയുമാണ് ചടങ്ങിൽ ആദരിച്ചത്.
നവംബർ 20ന് കോഴിക്കോട് ഫറോക്ക് നല്ലൂരിലെ റോയൽ അലയൻസ് ഓഡിറ്റോറിയത്തിൽ സംഘടിപ്പിച്ച കലാകാര സംഗമം, സംവിധായകനും നടനും എഴുത്തുകാരനും സംസ്‌ഥാന സാംസ്‌കാരിക പ്രവർത്തക ക്ഷേമനിധി ബോർഡ് ചെയർമാനുമായ മധുപാൽ ഉൽഘാടനം ചെയ്‌തു. വൈകിട്ട് അഞ്ചുമണിക്കായിരുന്നു സംഗമം.
ബേപ്പൂർ മണ്ഡലം സംഘാടക സമിതി ഉപാധ്യക്ഷൻ ടി രാധാഗോപി അധ്യക്ഷത വഹിച്ച ചടങ്ങിൽ, ഫറോക്ക് നഗരസഭാ സ്‌ഥിരം സമിതി അധ്യക്ഷ കെപി സുലൈഖ, കൗൺസിലർമാരായ കെ കമറു ലൈല, പിഎൽ ബിന്ദു തുടങ്ങിയവർ സംസാരിച്ചു.
മോഹനൻ പൈക്കാട്ട് സ്വാഗതവും മണ്ഡലം നോഡൽ ഓഫീസർ വികെ ഹാഷിം ചടങ്ങിൽ നന്ദിയും പറഞ്ഞു. തുടർന്ന്, നൃത്തസംഗീത ശിൽപ്പം, നാടോടിനൃത്തം, സംഘനൃത്തം, തിരുവാതിരക്കളി, ഒപ്പന, കോൽക്കളി, നാടകം, ഗാനമേള തുടങ്ങിയ കലാപരിപാടികളും അരങ്ങേറി.
Tech| അക്കൗണ്ടുകൾ പൂട്ടാൻ ഗൂഗിൾ പണി തുടങ്ങി!
