കണ്ണൂർ: തലശ്ശേരിയിൽ ബിജെപി പ്രവർത്തകന് വെട്ടേറ്റു. മേലൂർ സ്വദേശി ധനരാജിനാണ് ഇന്നലെ വെട്ടേറ്റത്. പരിക്കേറ്റ ധനരാജിനെ കോഴികോട്ടെ ആശുപത്രിയിലേക്ക് മാറ്റി.
കഴിഞ്ഞ ദിവസം രാത്രി സുഹൃത്തിന്റെ വീട്ടിൽ പോയി മടങ്ങവെയാണ് ധനരാജിന് നേരെ ആക്രമണം ഉണ്ടായത്. കൈമുട്ടിനും നെഞ്ചിനുമാണ് വെട്ടേറ്റത്. ആക്രമണത്തിന് പിന്നിൽ സിപിഎമ്മാണെന്ന് ബിജെപി ആരോപിച്ചു. സിപിഎം അനുഭാവികൾ സംഘം ചേർന്ന് വധിക്കാൻ ലക്ഷ്യമിട്ടുകൊണ്ടുള്ള ആക്രമണമാണ് നടത്തിയതെന്നാണ് ബിജെപിയുടെ ആരോപണം.
സംഭവത്തിൽ ധർമടം പോലീസ് ധനരാജിന്റെ മൊഴി രേഖപ്പെടുത്തും. തുടർന്ന് മറ്റ് നടപടികൾ സ്വീകരിക്കും. അതേസമയം പ്രദേശത്ത് നിലവിൽ സംഘർഷ സാധ്യതയൊന്നും ഇല്ലെന്നാണ് റിപ്പോർട്.
Most Read: പ്രതിരോധം ഫലം കണ്ടില്ല: മുളിയാര്‍ വനത്തിലെത്തി ആനക്കൂട്ടം; ഭീതിയിൽ കർഷകർ
