തിരുവനന്തപുരം: ഒരു ദിവസത്തെ ഇടവേളക്ക് ശേഷം നിയമസഭാ സമ്മേളനം തുടങ്ങി. ചോദ്യോത്തരവേളയിൽ മന്ത്രിമാർ ഉത്തരം പറയുകയാണ്. വനമേഖലക്ക് ചുറ്റും ഒരു കിലോമീറ്റർ പരിസ്ഥിതി ലോല മേഖല നിർബന്ധമാക്കിയ സുപ്രീംകോടതി വിധി സംബന്ധിച്ച ചോദ്യത്തിന് വനംമന്ത്രി എകെ ശശീന്ദ്രൻ മറുപടി നൽകി. പരിസ്ഥിതി ലോല മേഖലയിൽ നടപടികൾ വിശദീകരിച്ച മന്ത്രി, ജനവാസ മേഖലയെ ബാധിക്കുന്നത് എങ്ങനെയെന്ന് കേന്ദ്ര സർക്കാരിനെയും സുപ്രീം കോടതിയെയും അറിയിക്കുമെന്നും പറഞ്ഞു.
വിഷയത്തിൽ എൽഡിഎഫ്- യുഡിഎഫ് സർക്കാരുകളുടെ നിലപാടുകളെ ചൊല്ലി ഭരണ, പ്രതിപക്ഷ നേതാക്കൾ തമ്മിൽ തർക്കമായി. പരിസ്ഥിതി ലോല മേഖല പൂജ്യം മുതൽ 12 കിലോമീറ്റർ വരെയെന്ന് രേഖപ്പെടുത്തിയത് യുഡിഎഫ് സർക്കാരെന്ന് മന്ത്രി ശശീന്ദ്രൻ പറഞ്ഞു. പിണറായി സർക്കാർ തീരുമാനിച്ചത് പൂജ്യം മുതൽ ഒരു കിലോമീറ്റർ വരെയെന്നും മന്ത്രി കൂട്ടിച്ചേർത്തു. എന്നാൽ, ജനവാസ മേഖലയെ യുഡിഎഫ് സർക്കാർ പൂർണമായി ഒഴിവാക്കിയെന്ന് പ്രതിപക്ഷം തിരിച്ചടിച്ചു.
Most Read: സംസ്ഥാനത്ത് കടൽ പ്രക്ഷുബ്ധം; മൽസ്യബന്ധന ബോട്ടുകൾ മറിഞ്ഞ് 2 പേരെ കാണാതായി