ന്യൂഡെൽഹി: സിബിഎസ്ഇ പ്ളസ് ടു ഫലം ഇന്ന് പ്രസിദ്ധീകരിക്കും. ഉച്ചക്ക് രണ്ട് മണിയോയൊണ് ഔദ്യാഗികമായി റിസൾട്ട് പ്രസിദ്ധീകരിക്കുന്നത്. cbse.nic.in അല്ലെങ്കില് cbse.gov.in എന്നീ വെബ്സൈറ്റുകളിലൂടെ ഫലമറിയാം.
ഫലപ്രഖ്യാപനത്തിന് മുന്നോടിയായി വിദ്യാര്ഥികള്ക്ക് റോള് നമ്പർ അറിയുന്നതിന് സംവിധാനം സിബിഎസ്ഇ ഒരുക്കിയിട്ടുണ്ട്. സിബിഎസ്ഇ റോള് നമ്പർ ലഭിച്ചാൽ മാത്രമേ വിദ്യാര്ഥികള്ക്ക് ഫലം അറിയാന് സാധിക്കൂ.
മേൽപറഞ്ഞ വെബ്സൈറ്റുകളിലെ ലിങ്കിലൂടെ പ്രവേശിച്ച് വ്യക്തിവിവരങ്ങള് നല്കിയാല് റോള് നമ്പർ ലഭ്യമാകും. ഇത്തവണ പരീക്ഷയില്ലാതെ പ്രത്യേക മൂല്യനിർണയം വഴിയാണ് ഫലപ്രഖ്യാപനം നടത്തുന്നത്.
സിബിഎസ്ഇ റോൾ നമ്പർ കണ്ടെത്താം
- സിബിഎസ്ഇയുടെ ഔദ്യോഗിക വെബ്സൈറ്റില് പ്രവേശിക്കുക
- പേജിന്റെ താഴെയായി കാണുന്ന ‘റോള് നമ്പർ ഫൈന്ഡര്’ എന്ന ലിങ്കില് ക്ളിക്ക് ചെയ്യുക
- പുതിയ പേജിലേക്ക് റീഡയറക്ട് ചെയ്യും. അവിടെ ‘Continue’ ഓപ്ഷന് നല്കണം
- സിബിഎസ്ഇ 12 ക്ളാസ് തിരഞ്ഞെടുക്കുക
- പേര്, പിതാവിന്റെ പേര്, സ്കൂള് കോഡ് അല്ലെങ്കില് ജനനതീയതി, മാതാവിന്റെ പേര് എന്നിവ നല്കുക
- സെര്ച്ച് ബട്ടണില് അമര്ത്തിയാല് റോള് നമ്പർ ലഭ്യമാകും
സിബിഎസ്ഇ പത്താം ക്ളാസ് പരീക്ഷാഫലവും ഉടന് പുറത്തുവിടുമെന്നാണ് വിവരം. സിബിഎസ്ഇ പരീക്ഷകള് റദ്ദാക്കിയതിനാല് ഇന്റേണൽ മാര്ക്കിന്റെയും ക്ളാസ് ടെസ്റ്റുകളുടെയും അടിസ്ഥാനത്തിൽ ആയിരിക്കും റിസൾട്ട് കണക്കാക്കുക.