ന്യൂഡെല്‍ഹി: പുതുവല്‍സരവുമായി ബന്ധപ്പെട്ട ആഘോഷങ്ങള്‍ക്ക് നിയന്ത്രണങ്ങള്‍ ഏർപ്പെടുത്തുന്നത് പരിഗണിക്കണമെന്ന് സംസ്‌ഥാന സര്‍ക്കാരുകളോട് ആവശ്യപ്പെട്ട് കേന്ദ്ര സര്‍ക്കാര്‍. ജനിതക മാറ്റം സംഭവിച്ച പുതിയ കൊറോണ വൈറസ് രാജ്യത്ത് കണ്ടെത്തിയതിനെ തുടര്‍ന്നാണ് നിര്‍ദേശം.
പുതുവല്‍സരവും അതിനോടനുബന്ധിച്ചുള്ള വിവിധ ആഘോഷ വേളകളും, ശൈത്യകാലവും പരിഗണിച്ച് നിയന്ത്രണങ്ങള്‍ കൂടുതല്‍ ശക്‌തമാക്കണമെന്ന് കേന്ദ്ര ആരോഗ്യ സെക്രട്ടറി സംസ്‌ഥാനങ്ങള്‍ക്ക് അയച്ച കത്തില്‍ പറയുന്നു. പ്രാദേശിക സാഹചര്യങ്ങൾ വിലയിരുത്തി ഡിസംബർ 30, 31, ജനുവരി 1 എന്നീ തീയതികളിൽ ആവശ്യമായ നിയന്ത്രണങ്ങൾ ഏർപ്പെടുത്തുന്ന കാര്യം പരിഗണിക്കാനാണ് കത്തിൽ ആവശ്യപ്പെട്ടിരിക്കുന്നത്.
കഴിഞ്ഞ മൂന്നര മാസമായി രാജ്യത്ത് കോവിഡ് 19 കേസുകളുടെ എണ്ണം ക്രമാതീതമായി കുറഞ്ഞിട്ടുണ്ട്. എന്നാല്‍ യൂറോപ്പിലും അമേരിക്കയിലും കോവിഡ് 19 കേസുകള്‍ പെട്ടന്ന് കുതിച്ചുയര്‍ന്നത് കണക്കിലെടുത്ത് സമഗ്രമായ മുന്‍കരുതലും നിയന്ത്രണങ്ങളും കര്‍ശനമായ നിരീക്ഷണവും നമ്മുടെ രാജ്യത്തിനുള്ളില്‍ നടത്തേണ്ടതുണ്ട് എന്നും കത്തില്‍ പറയുന്നു.
Kerala News: ദമ്പതികളുടെ മരണം; അയല്‍ക്കാരി വസന്തയുടെ പട്ടയം പരിശോധിക്കും
