കോഴിക്കോട്: മുക്കം നഗരസഭയിൽ 4 പേർക്ക് കോവിഡ് ഡെൽറ്റ പ്ളസ് വകഭേദം സ്ഥിരീകരിച്ചു. കഴിഞ്ഞ മാസം ഇരുപതിന് വിശദ പരിശോധനക്കായി അയച്ച സാമ്പിളുകളുടെ ഫലമാണ് ഇപ്പോൾ വന്നത്. മണാശ്ശേരി, തോട്ടത്തിൻകടവ് എന്നിവിടങ്ങളിലെ രണ്ട് കുടുംബങ്ങളിൽ നിന്നുള്ള 4 പേർക്കാണ് രോഗം സ്ഥിരീകരിച്ചത്. പ്രദേശത്ത് ഇന്ന് കൂടുതൽ പരിശോധനകൾ നടത്തും. രോഗം സ്ഥിരീകരിച്ചവരുടെ വീടുകൾക്ക് സമീപം താമസിക്കുന്നവരെയാണ് പരിശോധനക്ക് വിധേയമാക്കുക.
Read also: സംസ്ഥാനത്തെ വൈദ്യുതി നിരക്കിൽ ഇളവുകൾ; ആശ്വാസ പദ്ധതികളുമായി കെഎസ്ഇബി