കൊച്ചി: റോഡ് അരികിലും പൊതു ഇടങ്ങളിലും കൊടിമരങ്ങൾ സ്ഥാപിക്കുന്നതിന് എതിരെ ഹൈക്കോടതി. സംസ്ഥാനത്തിന്റെ മുക്കിലും മൂലയിലും പൊതു ഇടങ്ങളിൽ കൊടിമരങ്ങളാണ് എന്ന് കോടതി വിമർശിച്ചു. കൊടിമരങ്ങൾ സ്ഥാപിക്കുന്നത് പലപ്പോഴും ക്രമസമാധാന പ്രശ്നങ്ങൾക്ക് വഴിയൊരുക്കുന്നു. എന്ത് അടിസ്ഥാനത്തിലാണ് ഇത്തരത്തിൽ കൊടിമരങ്ങൾ സ്ഥാപിക്കുന്നതെന്ന് ജസ്റ്റിസ് ദേവൻ രാമചന്ദ്രൻ ചോദിച്ചു.
അനധികൃതമായി കൊടിമരങ്ങൾ സ്ഥാപിക്കുന്ന പ്രവണത തടയണമെന്നും ഭൂസംരക്ഷണ നിയമത്തിന് വിരുദ്ധമാണ് ഇത്തരം നടപടികളെന്നും കോടതി പറഞ്ഞു. മന്നം ഷുഗർമില്ലിന്റെ കവാടത്തിലെ കൊടിമരങ്ങൾ നീക്കം ചെയ്യണമെന്ന ഹരജിയിലാണ് ഹൈക്കോടതി ഇടപെടൽ നടത്തിയത്. തദ്ദേശ സ്വയംഭരണ വകുപ്പ് സെക്രട്ടറിയെ കേസിൽ കോടതി കക്ഷി ചേർത്തു. വിഷയത്തിൽ നവംബർ ഒന്നിന് സർക്കാർ നിലപാട് അറിയിക്കണമെന്നും കോടതി വ്യക്തമാക്കി.
Read also: ലഖിംപൂര് ഖേരി സംഘർഷം; രാഹുൽ ഗാന്ധി നാളെ രാഷ്ട്രപതിയെ കാണും