തിരുവനന്തപുരം: പൂഞ്ഞാർ സെന്റ് മേരീസ് പള്ളിയ്‌ക്ക്‌ മുന്നിൽ കെഎസ്ആർടിസി ബസ് വെള്ളക്കെട്ടിൽ മുങ്ങി സംഭവത്തിൽ ഡ്രൈവറെ ഗതാഗത വകുപ്പ് സസ്‌പെൻഡ്‌ ചെയ്തു. ഈരാറ്റുപേട്ട ഡിപ്പോയിലെ ഡ്രൈവർ എസ് ജയദീപിനെയാണ് സസ്‌പെൻഡ്‌ ചെയ്തത്.
യാത്രക്കാരുടെ ജീവന് ഭീഷണിയും ബസിന് നാശ നഷ്‌ടവും വരുത്തിയ ഡ്രൈവറെ സസ്‌പെൻഡ്‌ ചെയ്യാൻ ഗതാഗത മന്ത്രി ആന്റണി രാജുവാണ് നിർദ്ദേശം നൽകിയത്. ശക്‌തമായ മഴയെ തുടർന്ന് പൂഞ്ഞാർ സെന്റ് മേരീസ് പള്ളിക്കു മുന്നിൽ രൂപപ്പെട്ട വലിയ വെള്ളക്കെട്ടിലൂടെ ഇദ്ദേഹം ബസ് ഓടിച്ചത്.
ഈരാറ്റുപേട്ടയ്‌ക്ക്‌ പോകുന്ന ബസ് പള്ളിക്ക് മുന്നിലെ വലിയ വെള്ളക്കെട്ട് കടക്കാൻ ശ്രമിക്കുന്നതിനിടെയാണ് പകുതിയോളം മുങ്ങിയത്. യാത്രക്കാരെ നാട്ടുകാർ രക്ഷപ്പെടുത്തി. പിന്നാലെ വടം കെട്ടി ബസ് വെള്ളക്കെട്ടിൽ നിന്ന് വലിച്ചു കയറ്റുകയായിരുന്നു.
National News: കോവിഡ് ഇന്ത്യ; 14,146 രോഗബാധ, കേരളത്തിൽ 7,955 കേസുകൾ
