മുംബൈ: സര്ക്കാര് സ്ഥാപനങ്ങളിലെ ജീവനക്കാര് ജോലി സമയത്ത് മൊബൈൽ ഫോണിന്റെ ഉപയോഗം പരമാവധി കുറയ്ക്കണമെന്ന് മഹാരാഷ്ട്ര സര്ക്കാര്. മഹാരാഷ്ട്ര പൊതുഭരണ വകുപ്പാണ് ഈ ഉത്തരവ് പുറപ്പെടുവിച്ചിരിക്കുന്നത്. അത്യാവശ്യ ഘട്ടങ്ങളിൽ മാത്രമേ മൊബൈൽ ഫോൺ ഓഫിസില് ഉപയോഗിക്കാവൂ.
ഓഫിസിലെ ആശയവിനിമയത്തിന് ലാൻഡ് ഫോൺ ഉപയോഗിക്കാമെന്നും ജീവനക്കാർക്ക് നൽകിയ നിർദ്ദേശത്തിൽ പറയുന്നു. ഓഫിസ് സമയത്തിന് ശേഷമേ സ്വകാര്യ ആവശ്യങ്ങൾക്കായി മൊബൈൽ ഫോൺ ഉപയോഗിക്കാൻ അനുമതിയുള്ളൂ. കൂടാതെ മൊബൈൽ ഫോണിൽ സംസാരിക്കുന്നത് കുറഞ്ഞ ശബ്ദത്തിൽ ശാന്തതയോടെ ആയിരിക്കണം.
ഔദ്യോഗിക മീറ്ററിംഗുകൾക്ക് ഇടയിൽ മൊബൈൽ ഫോൺ സൈലന്റ് മോഡിൽ വയ്ക്കണം. ഈ സമയത്ത് ഇന്റർനെറ്റ് ഉപയോഗിക്കുന്നതും, സന്ദേശങ്ങൾ പരിശോധിക്കുന്നതും ഇയർഫോൺ ഉപയോഗിക്കുന്നതും ഒഴിവാക്കണം.
അതേസമയം അത്യാവശ്യ ഘട്ടങ്ങളിൽ മെസേജിലൂടെ വിവരങ്ങൾ കൈമാറാവുന്നതാണ്. ജോലി സമയത്ത് മൊബൈൽ ഫോൺ വഴിയുള്ള സോഷ്യൽ മീഡിയ ഉപയോഗത്തിനും നിയന്ത്രങ്ങളുണ്ട്.
Read Also: ആന്ധ്രയിൽ ഓഗസ്റ്റ് 16 മുതൽ സ്കൂളുകൾ തുറക്കും