ന്യൂഡെൽഹി: പോലീസ് കമ്മീഷണർക്ക് കൂടുതൽ അധികാരം നൽകുന്ന ഉത്തരവിറക്കി ഡെൽഹി ലെഫ്റ്റനന്റ് ഗവർണർ അനിൽ ബൈജാൽ. ദേശ സുരക്ഷാ നിയമത്തിന്റെ പരിധിയിൽപ്പെടുന്ന കേസുകളിൽ ആരെയും അറസ്‌റ്റ് ചെയ്യാനുള്ള അനുമതിയടങ്ങിയ ഉത്തരവാണ് നൽകിയിരിക്കുന്നത്.
ഈ നിയമത്തിന് കീഴിൽ 2021 ഒക്‌ടോബർ പതിനെട്ട് വരെ ആരെയും കസ്‌റ്റഡിയിലെടുക്കാനുള്ള അധികാരം പോലീസ് കമ്മീഷണർക്ക് ഉണ്ടായിരിക്കുമെന്ന് ഉത്തരവിൽ പറയുന്നു.
ജന്തർ മന്തറിൽ കർഷക പ്രക്ഷോഭം ശക്‌തമാകുന്ന സാഹചര്യത്തിലാണ് പോലീസിന് കൂടുതൽ അധികാരം നൽകുന്ന ഉത്തരവ് പുറപ്പെടുവിച്ചിരിക്കുന്നത്. കോവിഡ് വ്യാപനം കണക്കിലെടുത്ത് ജന്തർ മന്തറിലെത്തിയ 200 കർഷകർ കിസാൻ പാർലമെന്റ് സംഘടിപ്പിച്ച് പ്രതിഷേധം ശക്‌തമാക്കിയിരുന്നു. പാർലമെന്റിന്റെ വർഷകാല സമ്മേളനം നടക്കുന്ന പശ്‌ചാത്തലത്തിലാണ് കർഷകരുടെ പുതിയ പ്രതിഷേധ രീതി.
Read Also: മഹാരാഷ്‌ട്രയില്‍ വ്യാപക നാശം വിതച്ച് കനത്ത മഴ; മരണം 136
