കണ്ണൂരിലെ പാർട്ടി ഓഫിസുകൾക്ക് നേരെ ആക്രമണത്തിന് സാധ്യത; സുരക്ഷ വർധിപ്പിക്കും

By Trainee Reporter, Malabar News
Possibility of attack on party offices in Kannur

കണ്ണൂർ: ജില്ലയിലെ പാർട്ടി ഓഫിസുകൾക്ക് നേരെ ആക്രമണത്തിന് സാധ്യതയെന്ന് പോലീസ്. സിപിഐഎം-കോൺഗ്രസ് ഓഫിസുകൾ അക്രമിക്കപ്പെടാനുള്ള സാധ്യത കണക്കിലെടുത്ത് ജില്ലയിൽ സുരക്ഷ കർശനമാക്കാൻ സിറ്റി പോലീസ് കമ്മീഷണർ ആർ ഇളങ്കോ ഉത്തരവിട്ടു. സുരക്ഷ ഒരുക്കുന്നതിന്റെ ഭാഗമായി ജില്ലയിൽ പോലീസ് പട്രോളിങ്ങും പരിശോധനയും വർധിപ്പിക്കും.

സുരക്ഷ കർശനമാക്കുന്നതിന്റെ ഭാഗമായി മുഴുവൻ പോലീസ് ഉദ്യോഗസ്‌ഥരോടും അവധി റദ്ദാക്കി ഡ്യൂട്ടിയിൽ തിരിച്ചെത്താനും കമ്മീഷണർ നിർദ്ദേശം നൽകിയിട്ടുണ്ട്. ഇടുക്കിയിൽ എസ്എഫ്ഐ പ്രവർത്തകൻ ധീരജ് രാജേന്ദ്രൻ കുത്തേറ്റ് മരിച്ചതിന് പിന്നാലെയാണ് സംസ്‌ഥാനത്ത്‌ കോൺഗ്രസ്-സിപിഐഎം പ്രവർത്തകർ തമ്മിൽ സംഘർഷ സാധ്യത രൂപപ്പെട്ടത്.

കൊലപാതകത്തിന് പിന്നാലെ വിവിധ ജില്ലകളിൽ കോൺഗ്രസ് ഓഫിസുകൾക്ക് നേരെ ആക്രമണവും കരി ഓയിൽ പ്രയോഗവും നടന്നിരുന്നു. ധീരജിന്റെ സംസ്‌കാര ദിവസം മലപ്പുറത്ത് കെ സുധാകരൻ പങ്കെടുത്ത കോൺഗ്രസ് മേഖലാ കൺവെൻഷനിലേക്ക് ഡിവൈഎഫ്ഐ, സിപിഐഎം പ്രവർത്തകർ നടത്തിയ പ്രതിഷേധ മാർച്ചിലും സംഘർഷമുണ്ടായിരുന്നു. ഇതുമൂലം, കെപിസിസി പ്രസിഡണ്ട് കെ സുധാകരന്റെ വാഹനത്തിന് പോലീസ് സുരക്ഷ ഏർപ്പെടുത്തിയിരുന്നു.

Most Read: സംസ്‌ഥാനത്ത്‌ ബുധനാഴ്‌ച മുതല്‍ കുട്ടികള്‍ക്ക് സ്‌കൂളില്‍ വാക്‌സിനേഷൻ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE