നമ്മുടെ സ്നേഹം പ്രകടമാക്കാനുള്ള ഏറ്റവും മനോഹരമായൊരു വഴിയാണ് ആലിംഗനം ചെയ്യുന്നത്. എന്നാല്, നമ്മള് മലയാളികള്ക്ക് കെട്ടിപ്പിടുത്തങ്ങളോടെ പൊതുവേ ഒരു വിമുഖതയുണ്ട്. പക്ഷേ ഒന്ന് കെട്ടിപ്പിടിക്കുന്നതിലൂടെ അഥവാ ആലിംഗനം ചെയ്യുന്നതിലൂടെ നമുക്ക് ലഭിക്കുന്ന ആരോഗ്യ ഗുണങ്ങള് ഏറെയാണ്. ആലിംഗനത്തിന്റെ ആരോഗ്യ ഗുണങ്ങള് എന്തെല്ലാമാണെന്ന് നോക്കാം.
- ആലിംഗനം ചെയ്യുന്നത് ഹൃദയത്തിനു നല്ലതാണ്. ഹൃദയമിടിപ്പു കൂടുന്നതിനും രക്ത പ്രവാഹം വര്ദ്ധിക്കുന്നതിനും ഇത് കാരണമാവും. ഇതുമൂലം ഹൃദയത്തിന്റെ മസിലുകള് കൂടുതല് ശക്തിപ്പെടും.
- നമ്മുടെ മനസിന്റെ ഭയമകറ്റാന്, മനസിന് സുരക്ഷിതത്വവും ശാന്തിയും പ്രദാനം ചെയ്യാന് ആലിംഗനത്തിനു കഴിയും.
- ഹൈ ബിപി കുറക്കാനും ഒരു കെട്ടിപ്പിടിത്തത്തിനു കഴിയും. ആലിംഗനത്തിലൂടെ നമ്മുടെ സ്ട്രസ്, ടെന്ഷന് എന്നിവയെല്ലാം കുറയും. ഇത് പല അസുഖങ്ങളും ഇല്ലാതാക്കും.
Also Read: ഷാരൂഖ് ഖാന്റെ വീട്ടില് ഒരു ദിവസം താമസിക്കാം; അവസരമൊരുക്കി ഖാന് കുടുംബം
- ആലിംഗനം തലച്ചോറിനെ സ്വാധീനിക്കുന്നുണ്ട്. ഇത് നമ്മുടെ പോസറ്റീവിറ്റിയെ വര്ദ്ധിപ്പിക്കും. ശരീരത്തിലെ ഓക്സിടോസിന് തോത് വര്ദ്ധിപ്പിക്കും.
- ആലിംഗനത്തിലൂടെ സെറാട്ടോനില് തോത് വര്ദ്ധിക്കുന്നത് കാരണം ആലിംഗനം മോശം മൂഡു മാറ്റും, വിഷാദമകറ്റും. സന്തോഷവും ഊര്ജവും നല്കും. നമ്മളിലെ കലുഷിതമായ മനസിനെ ശാന്തമാക്കാനും ഒരു ആലിംഗനത്തിനു കഴിയും.
- ആലിംഗനം മസിലുകളെ അയക്കുന്നു. ശരീരവേദന കുറയാന് ഇത് സഹായിക്കും. നാഡീവ്യവസ്ഥയുടെ ബാലന്സിന് ആലിംഗനം സഹായിക്കും.
- രോഗശാന്തിക്കും ആലിംഗനം സഹായിക്കും. ഇത് നമ്മോടുള്ള മറ്റൊരാളുടെ കരുതലാണ് കാണിക്കുന്നത്. മനസിനേയും ഇതുവഴി ശരീരത്തേയും ഇതു സുഖപ്പെടുത്തും.
- ആത്മ വിശ്വാസം വര്ദ്ധിപ്പിക്കാനും ആലിംഗനത്തിനു കഴിയും.
നോക്കൂ, ഒരു ആലിംഗനത്തിലൂടെ നമ്മുടെ ശരീരത്തിനും മനസിനും എന്തൊക്കെ മാറ്റങ്ങളാണ് സംഭവിക്കുന്നതെന്ന്. ഇനിയും മടിക്കാതെ നമ്മുടെ പ്രിയപ്പെട്ടവരെ കരുതലോടെയും സ്നേഹത്തോടെയും ചേര്ത്ത് പിടിച്ചോളൂ. അത് നമ്മളില് മാത്രമല്ല, അവരിലും ഉണ്ടാക്കുന്ന മാറ്റങ്ങള് ചെറുതല്ല.