കാസർഗോഡ്: (Samastha 100 Anniversary) സമസ്ത കേരള ജംഇയ്യത്തുൽ ഉലമയുടെ നൂറാം വാർഷിക പ്രഖ്യാപന മഹാസമ്മേളനത്തിന് തുടക്കം കുറിച്ച് ചട്ടഞ്ചാൽ മാലിക് ദീനാർ നഗരിയിൽ പതാക ഉയർന്നു. സമസ്തയുടെ പ്രമുഖരായ സാരഥികളെ സാക്ഷിയാക്കി കേരള മുസ്ലിം ജമാഅത്ത് സംസ്ഥാന ജനറൽ സെക്രട്ടറി സയ്യിദ് ഇബ്രാഹീം ഖലീലുൽ ബുഖാരി, സമസ്ത സെക്രട്ടറി പേരോട് അബ്ദുറഹ്മാൻ സഖാഫി, മുശാവറാംഗം എപി അബ്ദുല്ല മുസ്ലിയാർ മാണിക്കോത്ത് എന്നിവർ ചേർന്നാണ് പതാക ഉയർത്തിയത്.
അലവി സഖാഫി കൊളത്തൂർ, മൊയ്തീൻ കുട്ടി ബാഖവി പൊൻമള, മുഹമ്മദലി സഖാഫി തൃക്കരിപ്പൂർ, സയ്യിദ് ഹസൻ അഹദൽ തങ്ങൾ, അശ്രഫ് തങ്ങൾ മഞ്ഞംപാറ, പിഎസ് ആറ്റക്കോയ തങ്ങൾ പഞ്ചിക്കൽ, സയ്യിദ് ജലാൽ ബുഖാരി മള്ഹർ, എൻ അലി അബ്ദുല്ല, മജീദ് കക്കാട്, സൈതലവി ചെങ്ങര, മുസ്തഫ കോഡൂർ, കെപി ഹുസൈൻ സഅദി, മൊയ്തു സഅദി ചേരൂർ, ബിഎസ് അബ്ദുല്ലക്കുഞ്ഞി ഫൈസി, ഹാമിദ് ചൊവ്വ, യുസി അബ്ദുൽ മജീദ്, പള്ളങ്കോട് അബ്ദുൽ ഖാദിർ മദനി, മുഹമ്മദ് പറവൂർ തുടങ്ങിയവർ സംബന്ധിച്ചു.
സമസ്തയുടെ പതാക 60 വർഷം പൂർത്തീകരിച്ചതിന്റെയും സംഘടന നൂറാം വർഷത്തിലേക്ക് കടക്കുന്നതിന്റയും വിളംബരം മുഴക്കിയാണ് പതാക ഉയർത്തൽ ചടങ്ങു നടന്നത്. തളങ്കര മാലിക് ദീനാറിൽ നിന്നും 300 പതാക വാഹകർ അണി നിരന്ന ഫ്ളാഗ് മാർച്ചും അനുബന്ധമായി നടന്നു. 60 വർഷം മുൻപ് സമസ്തയുടെ പതാക അംഗീകരിച്ച സ്ഥലത്ത് നിന്ന് സമ്മേളന പ്രഖ്യാപന നഗരിയിലേക്ക് നടത്തിയ മാർച്ച് ആവേശം പകരുന്നതായി.
കാസർഗോഡ് നഗരംചുറ്റി ചന്ദ്രഗിരി വഴി സഅദിയ്യിൽ നൂറുൽ ഉലമ സവിധത്തിലെത്തി അവിടെ നിന്നും ജാഥയായി സമ്മേളന പ്രഖ്യാപന നഗരിയിലെത്തിയാണ് പതാക ഉയർത്തിയത്. നാളെ നടക്കുന്ന നൂറാം വാർഷിക പ്രഖ്യാപന സമ്മേളനം വൈകിട്ട് 4ന് ആരംഭിക്കും. സമസ്ത ജനറൽ സെക്രട്ടറി കാന്തപുരം എപി അബൂബക്കർ മുസ്ലിയാർ നൂറാം വാർഷിക പ്രഖ്യാപനം നിർവഹിക്കും.
സമസ്ത പ്രസിഡണ്ട് ഇ സുലൈമാൻ മുസ്ലിയാർ, സയ്യിദ് അലി ബാഫഖി തങ്ങൾ, സയ്യിദ് കെ എസ് ആറ്റക്കോയ തങ്ങൾ കുമ്പോൽ, സയ്യിദ് ഇബ്റാഹിം ഖലീൽ അൽ ബുഖാരി, സയ്യിദ് ഫസൽ കോയമ്മ തങ്ങൾ കുറാ, പൊൻമള അബ്ദുൽഖാദിർ മുസ്ലിയാർ, പേരോട് അബ്ദുറഹ്മാൻ സഖാഫി, വണ്ടൂർ അബ്ദുറഹ്മാൻ ഫൈസി, കെ കെ അഹ്മദ് കുട്ടി മുസ്ലിയാർ, സി മുഹമ്മദ് ഫൈസി, തെന്നല അബൂ ഹനീഫൽ ഫൈസി, സയ്യിദ് ത്വാഹ സഖാഫി, മാളിയേക്കൽ സുലൈമാൻ സഖാഫി, റഹ്മത്തുല്ല സഖാഫി എളമരം, ഫിർദൗസ് സഖാഫി, മുഹമ്മദലി സഖാഫി തൃക്കരിപ്പൂർ എന്നിവർ ചടങ്ങിൽ പ്രസംഗിക്കും.
MOST READ | രാമചന്ദ്രൻ കടന്നപ്പള്ളിക്ക് രജിസ്ട്രേഷൻ, ഗണേഷിന് ഗതാഗതം