കൊൽക്കത്ത: വെസ്റ്റ് ഇൻഡീസിനെതിരായ രണ്ടാം ട്വന്റി 20യിലെ തകർപ്പൻ പ്രകടനത്തിന് പിന്നാലെ റെക്കോർഡ് നേട്ടവുമായി ഇന്ത്യൻ താരം വിരാട് കോഹ്ലി. 41 പന്തിൽ നിന്ന് 52 റൺസെടുത്ത കോഹ്ലി രാജ്യാന്തര ട്വന്റി- 20യിൽ ഏറ്റവും കൂടുതൽ അർധ സെഞ്ചുറികളെന്ന ഇന്ത്യൻ ക്യാപ്റ്റൻ രോഹിത് ശർമയുടെ റെക്കോഡിനൊപ്പമെത്തി.
ട്വന്റി- 20 കരിയറിലെ തന്റെ 30ആം അർധ സെഞ്ചുറി കൂടിയാണ് ഈഡൻ ഗാർഡൻസിൽ താരം കുറിച്ചത്.
അതേസമയം ട്വന്റി- 20 കരിയറിൽ 10,000 റൺസ് പിന്നിട്ടിട്ടുള്ള ഏക ഇന്ത്യൻ ബാറ്ററാണ് കോഹ്ലി. ട്വന്റി- 20 റൺവേട്ടയിൽ ലോക ക്രിക്കറ്റിൽ ആറാം സ്ഥാനത്തുമാണ് താരം. ക്രിസ് ഗെയ്ൽ (14,529), ഷുഐബ് മാലിക് (11,611), കിറോൺ പൊള്ളാർഡ് (11,419), ആരോൺ ഫിഞ്ച് (10,434), ഡേവിഡ് വാർണർ (10,308) എന്നിവരാണ് കോഹ്ലിക്ക് മുന്നിലുള്ളത്.
Most Read: പഞ്ചാബ് നാളെ ജനവിധി തേടും; യുപിയിൽ മൂന്നാംഘട്ട വോട്ടെടുപ്പും നാളെ