ന്യൂഡെൽഹി: ഹൈന്ദവ ജനകീയവികാരം മാനിച്ചുകൊണ്ട് ചൊവ്വാഴ്‌ചകളിൽ ‘മാംസവില്‍പന ശാലകള്‍‘ അടിച്ചിടാനുള്ള മുനിസിപ്പൽ കോര്‍പറേഷന്‍ തീരുമാനത്തിനെതിരെ ആള്‍ ഇന്ത്യ മജ്‌ലിസെ ഇത്തിഹാദുല്‍ മുസ്‌ലിമീൻ നേതാവ് അസദുദ്ദിൻ ഒവൈസി രംഗത്ത്.
അടുത്തിടെ ഗുഡ്ഗാവ് മുന്‍സിപ്പല്‍ കോര്‍പറേഷന്‍ നഗരത്തിലെ മാംസ വില്‍പന ശാലകള്‍ ചൊവ്വാഴ്‌ച അടച്ചിടാന്‍ ഉത്തരവ് പുറപ്പെടിവിച്ചിരുന്നു. ഹൈദവ വികാരം കണക്കിലെടുത്ത് ഏതാനും കൗണ്‍സിലര്‍മാരുടെ ആവശ്യ പ്രകാരമായിരുന്നു നടപടി. ഇതിനെയാണ് ഒവൈസി പൊള്ളുന്ന ചോദ്യവുമായി നേരിടുന്നത്.
“ഗുഡ്‌ഗാവിൽ ചൊവ്വാഴ്‌ച ഹിന്ദുവികാരം മാനിച്ച് മാംസ വില്‍പന ശാലകള്‍ അടച്ചിടുന്നവര്‍ വെള്ളിയാഴ്‌ച മദ്യശാലകള്‍ അടച്ചിടുമോ?“ ഹരിയാനയിലെ മനോഹര്‍ ലാല്‍ ഖട്ടറിന്റെ നേതൃത്വത്തിലുളള ബിജെപി സര്‍ക്കാരിനോടും ഹരിയാന നഗരമായ ‘ഗുഡ്ഗാവ്‘ മുനിസിപ്പൽ അധികൃതരോടും ഒവൈസി ചോദിച്ചു.
മാംസം ദശലക്ഷക്കണക്കിന് ഇന്ത്യക്കാരുടെ ഭക്ഷണമാണ്. അതിനെ അശുദ്ധമായി കണക്കാക്കാനാകില്ല. മറ്റു ജനവിഭാഗങ്ങള്‍ അവരുടെ സ്വകാര്യ ജീവിതത്തില്‍ ചെയ്യുന്ന കാര്യങ്ങള്‍ എങ്ങനെയാണ് വിശ്വാസത്തെ ഹനിക്കുക? ജനങ്ങള്‍ മാംസം വില്‍ക്കുകയും വാങ്ങുകയും കഴിക്കുകയും ചെയ്യുന്നു. അവര്‍ അതിന് ആരെയും നിര്‍ബന്ധിക്കുന്നില്ലെന്നും ഒവൈസി കൂട്ടിച്ചേർത്തു.
മാംസശാലകളുടെ ലൈസന്‍സ് ഫീ 5000 രൂപയില്‍ നിന്ന് 10,000 ആയി ഉയര്‍ത്തുകയും അനധികൃത മാംസശാലകള്‍ക്ക് 500 രൂപ പിഴയിട്ടിരുന്നത് പത്തിരട്ടി വര്‍ധിപ്പിച്ച് 5000 രൂപയാക്കിയതും പുതിയ മനോഹര്‍ ലാല്‍ ഖട്ടറിന്റെ നേതൃത്വത്തിലുളള ബിജെപി സര്‍ക്കാരിന്റെ നടപടികളാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
