കണ്ണൂർ: ആറ് മാസത്തിനുള്ളിൽ പാർട്ടി അടിമുടി പൊളിച്ചെഴുതുമെന്നും പാർട്ടിയുടെ പ്രതിച്ഛായ ഇനിയും തല്ലിത്തകർക്കാൻ വയ്യെന്നും കെപിസിസി അധ്യക്ഷൻ കെ സുധാകരൻ. ഓരോ ജില്ലയിലും 2500 വീതം കേഡർമാരെ തിരഞ്ഞെടുത്ത് പരിശീലനം നൽകാനാണ് പാർട്ടി ലക്ഷ്യമിടുന്നത്. തുടർന്ന് ബൂത്തുകളുടെ ചുമതല ഇവർക്ക് നൽകും. കണ്ണൂർ ഡിസിസി പ്രസിഡണ്ട് ചുമതലയേൽക്കുന്ന ചടങ്ങിൽ സംസാരിക്കവേ സുധാകരൻ പറഞ്ഞു.
കോൺഗ്രസിൽ സംഘടനാ തിരഞ്ഞെടുപ്പ് ആവശ്യമാണ്. പുതിയ മുഖങ്ങളുടെ കടന്നുവരവിലും മാറ്റങ്ങളിലും എതിർവികാരം തോന്നുന്ന ആരെങ്കിലുമുണ്ടെങ്കിൽ ക്ഷമിക്കണമെന്നും സുധാകരൻ പറഞ്ഞു. പാർട്ടിയിൽ അച്ചടക്കം നടപ്പാക്കാൻ ഓരോ ജില്ലയിലും അഞ്ചംഗങ്ങൾ അടങ്ങിയ കൺട്രോൾ കമ്മീഷൻ രൂപീകരിക്കും. അച്ചടക്കം ലഘിക്കുന്നവർക്കെതിരെ മുഖം നോക്കാതെ നടപടിയെടുക്കും. എതിർവികാരം തോന്നുന്നവർ, നമ്മുടെ പാർട്ടി വളരാൻ വേണ്ടിയാണ് ഇത്തരം ശ്രമങ്ങളെന്ന് മനസിലാക്കണമെന്നും സുധാകരൻ കൂട്ടിച്ചേർത്തു.
Read also: രാജസ്ഥാനിൽ കോൺഗ്രസിന് മികച്ച വിജയം; ബിജെപിക്ക് തിരിച്ചടി