കൊൽക്കത്ത: തിരഞ്ഞെടുപ്പ് അടുത്തിരിക്കെ തൃണമൂൽ കോൺഗ്രസിന് വീണ്ടും തിരിച്ചടി. നടനും തൃണമൂൽ കോൺഗ്രസ് യുവജന വിഭാഗം നേതാവുമായ ഹിരൺ ചാറ്റർജി ബിജെപിയിൽ ചേർന്നു. വ്യാഴാഴ്ച ബംഗാളിൽ കേന്ദ്ര ആഭ്യന്തര മന്ത്രി അമിത് ഷായുടെ റാലിക്കിടെയാണ് ഹിരൺ ബിജെപി അംഗത്വം സ്വീകരിച്ചത്.
തിരഞ്ഞെടുപ്പുമായി ബന്ധപ്പെട്ട് രണ്ടുദിവസത്തെ തിരഞ്ഞെടുപ്പ് സന്ദർശനത്തിനാണ് അമിത് ഷാ ബംഗാളിൽ എത്തിയത്. ബിജെപി സംസ്ഥാന പ്രസിഡണ്ട് ദിലീപ് ഘോഷും ചടങ്ങിൽ പങ്കെടുത്തു.
ബംഗാളി നടനായ യഷ് ദാസ് ഗുപ്ത ബിജെപിയിൽ ചേർന്നതിന് പിന്നാലെയാണ് ഹിരൺ ചാറ്റർജിയുടെ ബിജെപി പ്രവേശനം. തൃണമൂൽ കോൺഗ്രസ് വിടുന്ന കാര്യം ഹിരൺ നേരത്തെ തന്നെ സൂചിപ്പിച്ചിരുന്നു. തനിക്ക് ബഹുമാനം ലഭിക്കുന്നിടത്തേക്ക് പോകാനാണ് താൽപര്യം എന്നായിരുന്നു യുവ നേതാവിന്റെ പ്രതികരണം.
ഏപ്രിൽ-മെയ് മാസങ്ങളിലാണ് ബംഗാളിൽ നിയമസഭാ തിരഞ്ഞെടുപ്പ് നടക്കുന്നത്. തിരഞ്ഞെടുപ്പിന് മുൻപ് തന്നെ നിരവധി നേതാക്കൾ തൃണമൂൽ വിട്ട് ഇതിനോടകം തന്നെ ബിജെപിയിൽ ചേർന്നിട്ടുണ്ട്.
Also Read: ട്രെയിൻ തടയൽ സമരത്തിന് തുടക്കം; റെയിൽവേ സ്റ്റേഷനുകൾ കനത്ത സുരക്ഷയിൽ