അബുദാബി: കോവിഡ് വ്യാപനം നിലനിൽക്കുന്ന സാഹചര്യത്തിൽ കർശന നിയന്ത്രണങ്ങളുമായി അബുദാബി. ഈ മാസം 20ആം തീയതി മുതൽ പൊതു സ്‌ഥലങ്ങളിൽ വാക്‌സിൻ എടുത്തവർക്ക് മാത്രം പ്രവേശനം നൽകിയാൽ മതിയെന്ന നിർദ്ദേശത്തിന് അബുദാബി ദുരന്തനിവാരണ സമിതി അംഗീകാരം നൽകി.
അൽ ഹൊസൻ ആപ്പ് സ്‌റ്റേറ്റസിലെ നിറത്തിന് അനുസരിച്ചായിരിക്കും പ്രവേശനം അനുവദിക്കുന്നത്. അതായത് വാക്‌സിൻ എടുത്ത ആളുകൾക്ക് ഈ ആപ്പിൽ പച്ച നിറമായിരിക്കും കാണിക്കുക. അപ്പോൾ മാത്രമായിരിക്കും പൊതു സ്‌ഥലങ്ങളിൽ ആളുകൾക്ക് പ്രവേശനത്തിന് അനുമതി ഉണ്ടായിരിക്കുക.
കൂടാതെ 2 ഡോസ് കോവിഡ് വാക്‌സിനും എടുത്ത ആളുകൾ 6 മാസത്തിനുള്ളിൽ ബൂസ്‌റ്റർ ഡോസ് എടുത്തില്ലെങ്കിൽ അൽ ഹൊസൻ ആപ്പ് സ്‌റ്റേറ്റസ്‌ ചാര നിറമാകും. ഒപ്പം തന്നെ ബൂസ്‌റ്റർ ഡോസ് എടുക്കുന്നതിന് 30 ദിവസത്തെ സാവകാശം കൂടി അനുവദിക്കുമെന്നും അധികൃതർ വ്യക്‌തമാക്കിയിട്ടുണ്ട്‌.
Read also: അഞ്ചുതെങ്ങിൽ മൽസ്യ തൊഴിലാളികളുടെ പ്രതിഷേധ സമരം; തീരദേശപാത ഉപരോധിച്ചു
