കൊല്ലം: കിഴക്കേ കല്ലടയിൽ ഭർതൃ വീട്ടിലെ പീഡനം മൂലം യുവതി ആത്‍മഹത്യ ചെയ്‌തു. എഴുകോൺ കടയ്‌ക്കോട് സ്വദേശി സുവ്യ എഎസ് ആണ് ആത്‍മഹത്യ ചെയ്‌തത്‌. ഇന്നലെ രാവിലെയാണ് യുവതിയെ ഭർതൃവീട്ടിൽ തൂങ്ങിമരിച്ച നിലയിൽ കണ്ടെത്തിയത്. ഭർത്താവിന്റെ അമ്മയും സുവ്യയും തമ്മിൽ ഇന്നലെ രാവിലെയും വാക്കുതർക്കം ഉണ്ടായിരുന്നു. ഇതിന് പിന്നാലെയാണ് മുറിയിൽകയറി യുവതി ആത്‍മഹത്യ ചെയ്‌തത്‌.
അതിനിടെ ഭർത്താവിന്റെ വീട്ടിൽ താൻ അനുഭവിക്കുന്ന പീഡനം സുവ്യ വിവരിക്കുന്ന ശബ്‌ദരേഖ പുറത്തുവന്നു. മരണത്തിന് മുമ്പ് സുവ്യ ബന്ധുക്കൾക്ക് അയച്ചു കൊടുത്ത ഓഡിയോയാണിത്. ഭർതൃമാതാവ് ക്രൂരമായി പീഡിപ്പിക്കുന്നതായി ഓഡിയോയിൽ പറയുന്നുണ്ട്. ‘അമ്മായി അമ്മയിൽ നിന്ന് നിരന്തരം മാനസിക പീഡനമുണ്ട്. വീട്ടിൽ നിന്ന് ഇറങ്ങി പോവാൻ നിരന്തരം ആവശ്യപ്പെടുകയാണ്. എന്നാൽ, ഭർത്താവ് ഇതിനെതിരെ ഒരക്ഷരം പോലും മിണ്ടാറില്ല.
എന്ത് സംഭവിച്ചാലും അതിന്റെ ഉത്തരവാദി ഭർത്താവിന്റെ അമ്മയാണെന്നും’ ബന്ധുക്കൾക്ക് സുവ്യ അയച്ച വാട്‌സ്‌ആപ് സന്ദേശത്തിൽ പറയുന്നുണ്ട്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. പുറത്തുവന്നിരിക്കുന്ന ശബ്‌ദ സന്ദേശങ്ങളുടെ പശ്‌ചാത്തലത്തിൽ ആത്‍മഹത്യാ പ്രേരണകുറ്റം ചുമത്തി ഭർത്താവിനും അമ്മക്കുമെതിരെ കേസെടുക്കും.
Most Read: സംസ്‌ഥാനത്ത്‌ ഇന്നും പരക്കെ മഴ; മൽസ്യ ബന്ധനത്തിന് വിലക്ക്
