കാസർഗോഡ്: ഉദുമയിൽ അമ്മയേയും മകളേയും കിണറ്റിൽ മരിച്ച നിലയിൽ കണ്ടെത്തി. ഉദുമ കളനാട് അരമങ്ങാനം അമരാവതി സ്വദേശി താജുദീന്റെ ഭാര്യ റുബീന (30 ), മകൾ അനാന മാറിയ(5) എന്നിവരാണ് മരിച്ചത്. ഇന്ന് പുലർച്ചെ മുതൽ ഇരുവരെയും കാണാനില്ലായിരുന്നു. അഞ്ചുവയസുള്ള മകളുമായി റുബീന കിണറ്റിൽ ചാണ്ടി ആത്മഹത്യ ചെയ്തെന്നാണ് പ്രാഥമിക നിഗമനം.
ഇരുവരെയും കാണാതായതിനെ തുടർന്ന് കുടുംബവും നാട്ടുകാരും തിരച്ചിൽ നടത്തുന്നതിനിടെ വീടിനടുത്തുള്ള കിണറിന് സമീപം ഇവരുടെ ചെരിപ്പുകൾ കണ്ടെത്തുകയായിരുന്നു. പോലീസും ഫയർഫോഴ്സും സ്ഥലത്തെത്തിയാണ് ഇവരുടെ മൃതദേഹങ്ങൾ പുറത്തെടുത്തത്. ഇവർക്ക് സാമ്പത്തിക പ്രശ്നങ്ങൾ ഉണ്ടായിരുന്നതായാണ് വിവരം. മൃതദേഹങ്ങൾ കാസർഗോഡ് ജനറൽ ആശുപത്രി മോർച്ചറിയിലേക്ക് മാറ്റി. പോലീസ് അന്വേഷണം ആരംഭിച്ചിട്ടുണ്ട്.
Most Read| നിപ; ഓഗസ്റ്റ് 29ന് ഇഖ്റ ആശുപത്രിയിൽ എത്തിയവർ കൺട്രോൾ സെല്ലുമായി ബന്ധപ്പെടണം