തിരുവനന്തപുരം: ദേശീയ പണിമുടക്കിൽ പങ്കെടുക്കുന്നതിന് തൊഴിലാളികൾക്ക് അവരുടേതായ ന്യായമുണ്ടെന്ന് വ്യക്‌തമാക്കി എൽഡിഎഫ് കൺവീനർ എ വിജയരാഘവൻ. ആ ന്യായം വച്ചാണ് തൊഴിലാളികൾ പണി മുടക്കുന്നതെന്നും, സംസ്‌ഥാനത്തെ പണിമുടക്കിൽ ഇതുവരെ അനിഷ്‌ട സംഭവങ്ങൾ ഒന്നും ഉണ്ടായിട്ടില്ലെന്നും അദ്ദേഹം കൂട്ടിച്ചേർത്തു.
അതേസമയം തന്നെ പണിമുടക്കിനെ തുടർന്ന് സംസ്‌ഥാനത്ത് ഉണ്ടായെന്ന് പറയുന്ന അനിഷ്‌ട സംഭവങ്ങൾ മാദ്ധ്യമ സൃഷ്‌ടിയാണെന്നും എ വിജയരാഘവൻ വ്യക്‌തമാക്കി. കൂടാതെ പണിമുടക്കിലെ ഒറ്റപ്പെട്ട അതിക്രമങ്ങളെ പർവ്വതീകരിക്കരുതെന്നും തൊഴിലാളികളുടെ ബുദ്ധിമുട്ടുകൾ മനസിലാക്കണമെന്നും മന്ത്രി വി ശിവൻകുട്ടിയും നേരത്തെ വ്യക്‌തമാക്കിയിരുന്നു. കാര്യമായ അതിക്രമങ്ങൾ ശ്രദ്ധയിൽ പെട്ടിട്ടില്ലെന്നും, പണിമുടക്ക് കാരണം ജനങ്ങൾക്ക് ബുദ്ധിമുട്ടുകൾ ഉണ്ടായിട്ടില്ലെന്നും വി ശിവൻകുട്ടി കൂട്ടിച്ചേർത്തു.
Read also: കണ്ണൂർ സർവകലാശാല ചട്ടം ഭേദഗതി; അനുമതി നിഷേധിച്ച് ഗവർണർ
