തിരുവനന്തപുരം: നിയമസഭാ തിരഞ്ഞെടുപ്പിലുണ്ടായ പരാജയത്തില് പ്രതികരിച്ച് തിരുവനന്തപുരം മണ്ഡലത്തിലെ ബിജെപി സ്ഥാനാർഥി കൃഷ്ണകുമാർ. തന്റെ കന്നി അംഗത്തിലെ പരാജയം അംഗീകരിക്കുന്നു എന്നും സ്നേഹത്തിനും വിശ്വാസത്തിനും നന്ദിയെന്നും കൃഷ്ണകുമാർ ഫേസ്ബുക്ക് പോസ്റ്റിൽ കുറിച്ചു. വരാന് പോകുന്ന രണ്ടാം പിണറായി വിജയന് മന്ത്രിസഭയെ അദ്ദേഹം അഭിനന്ദിക്കുകയും ചെയ്തു. തിരുവനന്തപുരം മണ്ഡലത്തില് എല്ഡിഎഫിന്റെ ആന്റണി രാജുവാണ് വിജയിച്ചത്. 8,000 വോട്ടിന്റെ ഭൂരിപക്ഷത്തിലാണ് വിജയം.
ഫേസ്ബുക്ക് പോസ്റ്റിന്റെ പൂർണരൂപം;
നമസ്കാരം… വളരെ നല്ല അനുഭവങ്ങൾ തന്ന കന്നി അങ്കത്തിലെ പരാജയം അംഗീകരിക്കുന്നു. ഒപ്പം തിരുവനന്തപുരം മണ്ഡലത്തിലെ പ്രിയപ്പെട്ട വോട്ടർമാർ എനിക്ക് തന്ന സ്നേഹത്തിനും എന്നിലർപ്പിച്ച വിശ്വാസത്തിനും നന്ദി. എന്നോടൊപ്പം പ്രവർത്തിച്ച പാർട്ടി പ്രവർത്തകരായ സഹോദരങ്ങൾക്കും ഒരായിരം നന്ദി.. ഇലക്ഷൻ സമയത്തു എനിക്ക് വേണ്ട സഹായങ്ങൾ തന്ന പത്ര മാദ്ധ്യമ, നവമാദ്ധ്യമ സുഹൃത്തുക്കൾക്കും നന്ദി.. നിയുക്ത തിരുവനന്തപുരം എംഎൽഎ ശ്രീ ആന്റണി രാജുവിനും, ശ്രീ പിണറായി വിജയൻ മന്ത്രിസഭക്കും എന്റെ അഭിനന്ദനങ്ങൾ.
Also Read: അണു വിമുക്തമാക്കാൻ ഡെറ്റോളിനേക്കാൾ മികച്ചത് കേരളം; ബിജെപിയുടെ തോൽവിയെ ട്രോളി എഎപി